Shpallje

Ministria e Ekonomisë, gjatë vitit 2023 me qëllim të kursimit të energjisë elektrike dhe si mbështetje në tejkalim të krizës energjetike, planifikon që të vazhdoj me masat mbështetëse, në zbatim të Vendimit Nr.29/112 të datës 13.12.2022, për planin e Veprimit për zbutjen e ndikimit të menjëhershëm socio-ekonomik të krizës energjetike, në shumë prej 75,000,000.00 euro (shtatëdhjetepesë milionë euro) me qëllim të realizimit të parakushtit për përfitimin e mjeteve financiare nga BE-ja për programin vjetor IPA 2023.

Plani i Veprimit parasheh zbatimin e masave me efekte të menjëhershme dhe afatshkurta, përmes mbështetjes së drejtpërdrejtë financiare për familjet në nevojë dhe në disavantazh social për periudhën e dimrit, nxitjen e kursimit të energjisë nga konsumatorët familjar, mbështetjen e familjeve përmes rritjes së efiçiencës së energjisë në njësitë e banimit dhe ndërtesave si dhe investimeve në pajisje efiçiente dhe sisteme të energjisë së ripërtritshme për familjet dhe ndërmarrjet Mikro, të Vogla dhe të Mesme.

Ministria e Ekonomisë dhe Fondi i Kosovës për Efiçiencë të Energjisë, si bartës te masave përkatësisë, janë në proces të themelimit të grupeve punuese për zbatimin e masave 3, 4 dhe 5 te Planit te veprimit, përkatësisht: Dizajnimin e skemës mbështetëse për ndërmarrjet mikro, të vogla dhe të mesme (NMVM), Dizajnin e skemës në mbështetje të konsumatorëve familjarë, përfshirë konsumatorët në nevojë duke investuar në pajisje shtëpiake efiçiente dhe në sisteme të energjisë së ripërtritshme, si dhe Mbështetja e konsumatorëve familjarë individual, përfshirë konsumatorët në nevojë përmes rritjes së efiçiencës së energjisë në njësitë e banimit dhe ndërtesa (kolektive).

Përmes kësaj thirrje publike, Ministria e Ekonomisë dhe Fondi i Kosovës për Efiçiencë të Energjisë bashkërisht, me qellim te përfshirjes se shoqërisë civile në këtë proces, fton të gjithë përfaqësuesit e OJQ-ve, që të parashtrojnë kërkesën për të qenë pjesë e takimeve të grupeve punuese, me qëllim të ofrimit të rekomandimeve dhe mbështetjes së tyre në kuadër të procesit.

Ftohen të gjitha OJQ-të që programi i punës i të cilave është i fokusuar në kuadër të fushave të paraqitura sipas kësaj Thirrje, që të paraqesin kërkesën për të qenë pjesë e Grupeve Punuese deri me datë 31 Janar 2023, duke dërguar e-mail tek: hanife.zenuni@rks-gov.net dhe arbnora.bahtijari@fkee-rks.net

Duhet pasur parasysh që në bazë të parimit kush aplikon i pari ftohet i pari, sepse deri në dy (2) OJQ për dizajnin e një mase do të përfshihen në proces.

Në rast se keni ndonjë pyetje ftoheni të drejtoheni tek znj. Hanife Behrami Zenuni duke dërguar e-mail në adresën: hanife.zenuni@rks-gov.net apo në numrin e tel 038 200 215 35.

Thirrja e Dytë Publike për Subvencionim të Efiçiencës së Energjisë për qytetarët

Thirrja e Dytë Publike për Subvencionim të Efiçiencës së Energjisë për qytetarët (Marrëveshjet)

Udhëzuesi për aplikim në gjuhët e komuniteteve (turkce, bosanski,romani)

Mothavno vash aplikipe ano Duyto publikuno Kharipe vash o subvencie e eï¬qenca energiyako vash dizune
Vodič za prijavu za drugi javni poziv za subvencije za energetsku eï¬kasnost za građane
VatandaÅŸlar için enerji verimliliÄŸi sübvansiyonlarÄ± ile ilgili Ä°kinci Kamu ÇaÄŸrÄ±sÄ± için baÅŸvuru kÄ±lavuzu

Thirrja e Dytë publike për subvencionim të efiçiencës së energjisë për qytetarët (PDF)

MARRËVESHJA PËR SUBVENCIONIM POMPË TERMIKE

MARRËVESHJA PËR SUBVENCIONIM KALDA ME BIOMASE

MARRËVESHJA PËR SUBVENCIONIM STUFE INDIVIDUALE-TË TJERËT

MARRËVESHJA PËR SUBVENCIONIM STUFA INDIVIDUALE-KATEGORIA-NËNAT VETUSHQYESE

MARRËVESHJA PËR SUBVENCIONIM STUFA INDIVIDUALE-KATEGORIA-PËRFITUESIT E SKEMËS SOCIALE

MARRËVESHJA PËR SUBVENCIONIM INVERTER-INVERTER- TË TJERËT

MARRËVESHJA PËR SUBVENCIONIM INVERTER-KATEGORIA-NËNAT VETUSHQYESE

MARRËVESHJA PËR SUBVENCIONIM -INVERTER-KATEGORIA-PËRFITUESIT E SKEMËS SOCIALE

Nr.03/2022
Data: 18.11.2022

Që nga viti 2021, kriza energjetike nëpër të cilën po kalon Evropa ka përkeqësuar situatën me furnizim të qëndrueshëm me energji edhe për qytetarët e Kosovës. Mungesa e kapaciteteve të mjaftueshme të prodhimit të brendshëm të energjisë, varësia nga importi e rritja enorme e çmimeve të energjisë në tregun ndërkombëtar vështirëson edhe më tej situatën, duke shkaktuar jo vetëm reduktime të shpeshta të energjisë, por edhe rënie të tensionit dhe probleme tjera të rrjetit. Një situatë e tillë vlerësohet që pengon edhe zhvillimin ekonomik të Kosovës, duke shkaktuar rrjedhimisht kosto të larta për ekonomitë familjare e biznese.

Sipas statistikave, konsumatori më i madh i energjisë në Kosovë është sektori rezidencial, i cili kontribuon me rreth 40% në konsumin final të saj. Ulja e konsumit përmes rritjes së efiçiencës së energjisë ndikon në reduktimin e kërkesës për energji, e cila vazhdon të rritet dukshëm në Kosovë gjatë sezonës së dimrit dhe ngrohjes, duke qenë se një numër i konsiderueshëm i amvisërive përdorin energjinë elektrike për ngrohje.

Subvencionimi i efiçiencës së energjisë përmes kësaj thirrje ju mundëson qytetarëve të blejnë pajisje me nivel të lartë të efiçiencës, që ndikon direkt në: (i) reduktimin e kërkesës për energji/ energji elektrike dhe (ii) rritjen e ndërgjegjësimit të konsumatorëve për nevojën e kursimit të energjisë.

1. PAJISJET TË CILAT DO TË SUBVENCIONOHEN

– Pompë termike

– Pompë termike ajër-ajër të tipit inverter me efiçiencë të lartë (kondicioner/ klimë eficiente)

– Kaldaja me biomasë (dru, pelet, briket)

– Stufa individuale me biomasë

2. KRITERET TEKNIKE DHE TË PËRGJITHSHME

Në tabelën më poshtë mund të gjeni kriteret për aplikim, kriteret teknike, vlerën e subvencionit dhe sqarimet shtesë për secilën prej pajisjeve që do të subvencionohen.

Tabela 1.0

PAJISJA

KRITERET PËR APLIKIM

KRITERET TEKNIKE TË PAJISJES

VLERA E SUBVENCIONIMIT

SQARIME SHTESË

Pompë termike

a. Shtëpia juaj ngrohet me energji elektrike (Konsumi mujor i energjisë elektrike ka qenë mbi 800 kWh për së paku njërin nga muajt Nëntor 2021 – Mars 2022)[1]

b. Për konsumatorët e rinj në shtëpi përjashtohet kriteri i konsumit të energjisë elektrike 800kWh, (Konsumator i ri sipas kësaj thirrje konsiderohen konsumatorët e regjistruar si konsumator në KESCO nga data 01.11.2021 e deri me datën 31.10.2022).

c. Shtëpia juaj nuk ka qasje në ngrohje të qytetit ose në ngrohje kolektive

d. Shtëpia juaj është e termoizoluar [2]

e. Shtëpia juaj ka të instaluar sistemin qendror të ngrohjes. (Rrjetin e brendshëm të ngrohjes, radiatorët, etj).

a. Shkalla e performancës/efiçiencës të jetë minimum A++

b. Koeficienti i performancës së pompës termike të jetë 4.2 ose më i lartë

c. Koeficienti i performancës sezonale të jetë 3.2 ose më i lartë

d. Çertifikata e performancës së pajisjes –CE

30% e vlerës investive dhe jo më shumë se 2500.00 €

Subvencionimi përfshin vetëm vlerën investive për blerjen e pajisjes (pa përfshirë koston shtesë të instalimit apo pajisjeve përcjellëse të nevojshme)

Për arsye teknike, kjo pajisje është e aplikueshme vetëm për shtëpi (vetëm një pajisje).

Pompë termike ajër-ajër inverter (kondicioner/ klimë efiçiente)

a. Shtëpia/banesa juaj ngrohet me energji elektrike (Konsumi mujor i energjisë elektrike ka qenë mbi 800 kWh për së paku njërin nga muajt Nëntor 2021 – Mars 2022)[3]

b. Për konsumatorët e rinj në banesa/shtëpi përjashtohet kriteri i konsumit të energjisë elektrike 800kWh, (Konsumator i ri sipas kësaj thirrje konsiderohen konsumatorët e regjistruar si konsumator në KESCO nga data 01.11.2021 e deri me datën 31.10.2022)

c. Shtëpia/banesa juaj nuk ka qasje në ngrohje të qytetit ose në ngrohje kolektive.

d. Banesa juaj ka njërën nga masat e efiçiencës së energjisë (izolim të mureve me material termoizolues stiropor/lesh guri ose ka dritaret kornizë PVC/alumin me së paku dy shtresa xhami).

e. Shtëpia juaj është e termoizoluar[4].

a. Shkalla e performancës/efiçiencës të jetë minimum A++

b. Të plotësojë një nga kriteret e mëposhtme:

· Koeficienti i performancës së pompës termike ajër-ajër inverter të jetë 4.0 ose më i lartë, ose;

· Në katalog të pajisjes të shënojë që pajisja është e tipit inverter.

c. Çertifikata e performancës së pajisjes–CE

Për qytetarët që jetojnë në banesa dhe që janë në mbështetje të skemës sociale (kategoria I & II) do të subvencionohet 60% e vlerës investive, dhe jo më shumë se 550.00 €

Për të tjerët: 40% e vlerës investive, dhe jo më shumë se 400.00 €

Për nënat vetushqyese: 60% e vlerës investive, dhe jo më shumë se € 550.00

Subvencionimi përfshin vetëm vlerën investive për blerjen e pajisjes (vetëm një pajisje).

Kjo pajisje është e aplikueshme për shtëpi dhe banesa.

Kaldaja me biomasë (dru, pelet, briket)

a. Shtëpia juaj ngrohet me energji elektrike (Konsumi mujor i energjisë elektrike ka qenë mbi 800 kWh për së paku njërin nga muajt Nëntor 2021 – Mars 2022)[5]

b. Shtëpia juaj nuk ka qasje në ngrohje të qytetit ose në ngrohje kolektive

c. Për konsumatorët e rinj në shtëpi përjashtohet kriteri i konsumit të energjisë elektrike 800kWh, (Konsumator i ri sipas kësaj thirrje konsiderohen konsumatorët e regjistruar si konsumator në KESCO nga data 01.11.2021 e deri me datën 31.10.2022).

a. Çertifikatë që dëshmon se shkalla e shfrytëzimit është minimum 80% (vlen për kaldajën me pelet dhe briket).

b. Çertifikatë që dëshmon se shkalla e shfrytëzimit është minimum 70% (vlen vetëm për kaldajën me dru me efiçiencë lartë).

70% e vlerës investive, dhe jo më shumë se 1200.00 €.

Subvencionimi përfshin vetëm vlerën investive për blerjen e pajisjes (pa përfshirë koston shtesë të instalimit apo pajisjeve përcjellëse të nevojshme).

Për arsye teknike, kjo pajisje është e aplikueshme vetëm për shtëpi (vetëm një pajisje).

Stufa individuale me biomasë

a. Për stufat individuale me biomasë nuk ka kriter teknik.

Për qytetarët që janë në mbështetje të skemës sociale (kategoria I & II) do të subvencionohet 90% e vlerës investive, dhe jo më shumë se € 560.00

Për nënat vetushqyese: 90% e vlerës investive, dhe jo më shumë se € 560.00

Për të tjerët: 70% e vlerës investive, dhe jo më shumë se € 435.00

Subvencionimi përfshin vlerën investive për blerjen e pajisjes dhe pajisjet e nevojshme për funksionalizimin e saj (lidhjen me oxhak).

Kjo pajisje është e aplikueshme për shtëpi dhe banesa (vetëm një pajisje).

Fusnotat:
[1] Në formularin për aplikim online e-Kosova, aplikantit do t’i kërkohet të shënojë shifrën e konsumatorit të faturës së energjisë elektrike (sipas faturës së Kesco), dhe përmes shifrës së konsumatorit nga kompania Kesco do të merren informatat mbi shpenzimet e konsumit të energjisë elektrike
[2] Izolim i mureve me material termoizolues stiropor/lesh guri dhe dritaret me kornizë PVC/alumin me së paku dy shtresa xhami
[3] Në formularin për aplikim online e-Kosova, aplikantit do t’i kërkohet të shënojë shifrën e konsumatorit të faturës së energjisë elektrike (sipas faturës së Kesco), dhe përmes shifrës së konsumatorit nga kompania Kesco do të merren informatat mbi shpenzimet e konsumit të energjisë elektrike
[4] Izolim i mureve me material termoizolues stiropor/lesh guri dhe dritaret me kornizë PVC/alumin me së paku dy shtresa xhami
[5] Në formularin për aplikim online e-Kosova, aplikantit do t’i kërkohet të shënojë shifrën e konsumatorit të faturës së energjisë elektrike (sipas faturës së Kesco), dhe përmes shifrës së konsumatorit nga kompania Kesco do të merren informatat mbi shpenzimet e konsumit të energjisë elektrike

3.MËNYRA E APLIKIMIT PËR SUBVENCION

Aplikimi për subvencionim është e ndarë në dy faza dhe në të dy fazat aplikimi bëhet online përmes platformës e-Kosova.

Hapat për aplikim

Faza I

Plotësoni formularin për aplikim online në platformën e-Kosova në linkun në vijim https://ekosova.rks-gov.net/420

Nëse aplikimi juaj është i suksesshëm ju do të njoftoheni menjëherë që jeni kualifikuar për këtë fazë dhe mund të vazhdoni me blerjen e pajisjes që keni përzgjedhur konform kritereve teknike të specifikuara në thirrje.

Faza II

Pas blerjes së pajisjes së përzgjedhur sipas kritereve të specifikuara në thirrje, ju mund të aplikoni për fazën II përmes platformës e-Kosova që të ju mundësohet përfitimi nga ky subvencion, duke ngarkuar dokumentet në vijim:

Faturën e rregullt apo kuponin fiskal të blerjes së pajisjes (fatura duhet të jetë jo më e vjetër se nga data e shpalljes së thirrjes së parë të datës 06.10.2022);
Vërtetimin e xhirollogarisë bankare apo kopjen e kartelës bankare;
Fotografi të pajisjes së blerë ose instaluar sipas kritereve të specifikuara në thirrje (pajisja duhet të jetë e instaluar dhe e gatshme për inspektim nga data 10.01.2023);
Fotografi të numrit serik të pajisjes;
Fotografi të etiketës së performancës së pajisjes (opsionale për stufa individuale me biomasë);
Për nënat vetushqyese për përfitim të subvencionit prej 90% për stufën individuale me biomasë dhe 60% për pompën termike ajër-ajër inverter (kondicioner/ klimë efiçiente) kërkohet të ngarkohet një dëshmi që konfirmon statusin e nënës vetushqyese.

Marrëveshja për Subvencionim duhet të shkarkohet në web faqen e Ministrisë së Ekonomisë, e cila pas plotësimit në mënyrë elektronike (direkt në dokument në hapësirat e hijezuara) duhet te ngarkohet nga ana e Palës në platformën e-Kosova në formatin (pdf), në kuadër të Fazës 2 të aplikimit.

Faza II – Aplikimi nga përfituesit e skemës sociale (kategoria I & II) Për aplikuesit që janë përfitues të skemës sociale (kategoria I & II), faza II është e ndarë në dy hapa.
Hapi 1: Para blerjes apo instalimit së stufës individuale me biomasë ose pompës termike ajër-ajër inverter (kondicioner/ klimë efiçiente), aplikanti duhet të ngarkojë në platformën e-Kosova, dokumentet në vijim:

Profatura – do të mundësohet vetëm për stufat individuale me biomasë dhe pompën termike ajër-ajër inverter (kondicioner/ klimë efiçiente)[6];
Vërtetimin e xhirollogarisë bankare apo kopjen e kartelës bankare;
Dëshmi që vërteton mbështetjen e skemës sociale (kategoria I & II).

[6] Për qytetarët që jetojnë në banesa dhe janë në mbështetje të skemës sociale (kategoria I & II)

Hapi 2: Pas pranimit të subvencionit dhe blerjes së pajisjes duhet të përcjellen përmes e-mail adresës: akee@rks-gov.net dokumentet në vijim:

1.   Faturën e rregullt apo kuponin fiskal të blerjes së pajisjes (fatura duhet të jetë jo më e vjetër se nga data e shpalljes së thirrjes së parë të datës 06.10.2022);
2.   Fotografi të pajisjes së blerë ose instaluar sipas kritereve të specifikuara në Thirrje; (pajisja duhet të jetë e instaluar dhe e gatshme për inspektim nga data 10.01.2023);
3.   Fotografi të numrit serik të pajisjes;
4.   Fotografi të etiketës së performancës së pajisjes (opsionale për stufa individuale me biomasë).

Afati për aplikim
Afati i fundit për aplikim për fazën e parë është deri me datën 25 Nëntor 2022. Ndërsa, afati i fundit për fazën e dytë është deri me datën 9 Dhjetor 2022.

Procedura e vlerësimit të aplikimeve
Aplikacionet e pranuara nga faza II do të vlerësohen nga një Komision i Ministrisë së Ekonomisë, i cili shqyrton nëse dëshmitë e ngarkuara në platformën e-Kosova janë konform kritereve të kësaj thirrjeje. Vetëm aplikimi që plotëson të gjitha kriteret do të pranohet për përpunim të mëtejmë.

E drejta për ankesë
Aplikantët të cilët vlerësojnë se aplikimi i tyre nuk është vlerësuar drejtë nga Komisioni përkatës i Ministrisë, mund të ushtrojnë të drejtën e Ankesës në afat prej 30 ditësh, konform Ligjit për Procedurën e Përgjithshme Administrative (LPPA). Ankesa i drejtohet Ministrisë së Ekonomisë si autoritet që ka publikuar Thirrjen në email adresën: akee@rks-gov.net.

Për më shumë informacione mund të kontaktoni në numrat e telefonit më poshtë nga ora 08:00 -16:00 nga e hëna deri të premten:

Tel: 038 200 215 89
Tel: 038 200 215 55