Gjatë takimit, Shabani Mullarama prezantoi zhvillimet dhe planet e Kosovës për ankandet e energjisë së ripërtëritshme, përmes të cilave synohet rritja e kapaciteteve prodhuese të energjisë.

Ajo theksoi mundësitë për zgjerimin e bashkëpunimit me partnerët austriakë përmes investimeve, projekteve të përbashkëta dhe shkëmbimit të ekspertizës në këtë sektor.

Në delegacionin e Kosovës ishte edhe Artan Demolli, ushtrues detyre i Sekretarit të Përgjithshëm të Ministrisë së Industrisë, Ndërmarrësisë, Tregtisë dhe Inovacionit. Pala austriake përfaqësohej nga Elisabeth Weissenböck, udhëheqëse e Drejtorisë për Marrëdhënie Ekonomike me Jashtë në Ministrinë Federale të Ekonomisë, Energjisë dhe Turizmit.

Sesioni përfundoi me nënshkrimin e Protokollit të Komisionit të Përbashkët, i cili përcakton hapat e mëtejmë të bashkëpunimit ndërmjet dy vendeve. Palët u pajtuan që sesioni i ardhshëm i Komisionit të Përbashkët të mbahet në Prishtinë.