Prishtinë, 08.12.2022 – Në platformën e konsultimeve publike më datën 07.12.2022 ka dal në konsultim publik Ligji për Burimet e Ripërtëritshme të Energjisë (BRE).

Ligji i BRE-ve përcakton promovimin e përdorimit të energjisë nga burimet e ripërtëritshme të energjisë në Republikën e Kosovës, me qëllim të rritjes së përdorimit të energjisë nga burimet e ripërtërishme dhe bashkëprodhimit në sektorin e energjisë elektrike, ngrohjes dhe ftohjes dhe sektorin e transportit, me qëllim të përmbushjes së nevojave për energji, rritjes së sigurisë së furnizimit, përmirësoj mbrojtjen e mjedisit, si dhe ofrimit të përfitimeve sociale dhe shëndetësore dhe promovimit të mundësive të barabarta punësimi në sektor të energjisë.
Përmes këtij ligji do të mundësohet zhvillimi i kapaciteteve të BRE me procedurë konkurruese, transparente dhe jo diskriminuese.

Ky ligj pjesërisht transpozon Direktivën (BE) 2018/2001 për Promovimin e Përdorimit të Energjisë nga Burimet e Ripërtëritshme, miratuar me Vendimin  (2021/14/MC-EnC)  të  Këshillit Ministror të Komunitetit të Energjisë.

Ministria e Ekonomisë  e vlerëson shumë konsultimin me palët e interesit. Prandaj, kontributi juaj paraprak me shkrim do të jetë shumë domethënës dhe përmbajtjesor. Ministria e Ekonomisë mbetet e përkushtuar që kontributin tuaj përmes komenteve dhe sugjerimeve të ofruara t’i përfshijë brenda Ligjit.

Andaj të gjitha inputet e juaja i mirëpresim në linkun: https://konsultimet.rks-gov.net/viewConsult.php?ConsultationID=41676