Prishtinë, 21.11.2025 – Në Ministrinë e Ekonomisë (ME) u mbajt ceremonia e pensionimit të drejtorit të Departamentit për Buxhet dhe Financa, Agim Thaçi, pas një karriere të gjatë dhe të përkushtuar në shërbim të administratës publike.

Gjatë 21 viteve të angazhimit profesional, z. Thaçi ka dhënë një kontribut të çmuar në forcimin e proceseve financiare brenda Ministrisë së Ekonomisë. Me profesionalizëm, integritet dhe përkushtim të vazhdueshëm, ai ka qenë figurë kyçe në zhvillimin dhe zbatimin e praktikave të mira financiare, duke ndikuar drejtpërdrejt në efektivitetin dhe transparencën e institucionit.

Me këtë rast, ministrja në detyrë, Artane Rizvanolli dhe Sekretarja e Përgjithshme, Leonita Shabani–Mullarama, në emër të Ministrisë së Ekonomisë dhe të gjithë kolegëve, e falënderuan z. Thaçi dhe shprehën mirënjohje të thellë për punën e tij të palodhshme dhe profesionalizmin e treguar përgjatë më shumë se dy dekadave.

Z. Thaçi u nderua me mirënjohje për kontributin e tij të rëndësishëm në sektorin e financave të ME-së.

Në emër të gjithë stafit, i urojmë z. Agim Thaçi shëndet, qetësi dhe suksese në kapitullin e ri të jetës!