Prishtinë, 22.04.2013 - Kosova dhe Mali i Zi së shpejti do të organizojnë një Forum Biznesor me qëllim të përmirësimit të bashkëpunimit ekonomik mes dy vendeve. Kjo është bërë e ditur gjatë takimit që ministri i Zhvillimit Ekonomik, Besim Beqaj ka zhvilluar sot në Podgoricë me ministrin e Ekonomisë të Malit të Zi, Vladimir Kavariç.

Prishtinë, 17.04.2013 - Ministri i Zhvillimit Ekonomik, Besim Beqaj ka ftuar biznesmenët grekë të vazhdojnë marrëdhëniet e mira me Kosovën dhe t’i zhvillojnë ato edhe më tutje në të ardhme, duke shtuar se marrëveshjet konkrete mes dy ekonomive të bëhen edhe promotor i marrëdhënieve politike Kosovë-Greqi.

Prishtinë, 17.04.2013 -Pas takimit të djeshëm të Komisionit Qeveritar të Privatizimit, si dhe Vendimit të Qeverisë së Republikës së Kosovës për aprovimin e raportit të Komisionit për privatizimin e 75 % të aksioneve të PTK-së, Komisioni Qeveritar i Privatizimit njofton opinionin publik që procesi i privatizimit të shitjes së aksioneve të PTK-së, është bërë në harmoni të plotë me Kushtetutën dhe Ligjet e Republikës së Kosovës, si dhe është zhvilluar konform standardeve më të larta ndërkombëtare.

Prishtinë, 15.04.2013 - Ombudsmani i Bankës Botërore (Compliant Advisor Ombudsman – CAO), vlerëson se IFC dhe privatizimi i KKDFE është në pajtueshmëri të plotë me standardet ndërkombëtare.

Prishtinë, 12.04.2013 - Procesi i privatizimit të PTK-së është në harmoni me ligjet e Republikës së Kosovës, standardet dhe praktikat më të mira ndërkombëtare dhe me transparence të plotë, gjë që është konfirmuar nga Këshilltarët e Transaksionit dhe Këshilltari Strategjik ka deklaruar ministri i Zhvillimit Ekonomik, Besim Beqaj në hapje të ofertave financiare për privatizimin e 75% të aksioneve të PTK-së.

Prishtinë, 10.04.2013 - Në kuadër të pjesëmarrjes në Samitin e 16-të Ekonomik të Euroazisë në Stamboll, Ministri i Zhvillimit Ekonomik, Besim Beqaj ka mbajtur një fjalë rasti ku foli lidhur me fuqizimin e konkurrencës bazuar në inovacion dhe talent, me qëllim të stimulimit të rritjes së qëndrueshme ekonomike në vend dhe në kontekstin global.

Prishtinë, 08.04.2013 - Ministri i Zhvillimit Ekonomik, Besim Beqaj në kuadër të vizitës zyrtare në Egjipt ka zhvilluar një sërë takimesh qeveritarë të këtij vendi dhe përfaqësuese të biznesit me të cilët ka biseduar për mundësinë e thellimit të bashkëpunimit mes dy vendeve.

Prishtinë, 05.04.2013 - Komiteti Drejtues i Projektit “TC Kosova e Re” aprovoi sot dokumentet e tenderit për Ndërtimin e Termocentralit Kosova e re, i cili do të realizohet me partneritet privat - publik.

Prishtinë, 03.04.2013 - Kryesuesi i Komisionit Qeveritar për Privatizimin e PTK-së, ministri i Zhvillimit Ekonomik, Besim Beqaj ka bërë të ditur se janë pranuar dy oferta për privatizimin e 75 % të aksioneve të PTK-së, duke shtuar se në garë janë kompania M1 International dhe Axos GMBH në konsorcium me Najafi Companies.