Prishtina 05/10.2016 - Ministri i Zhvillimit Ekonomik, Blerand Stavileci ka deklaruar se projektligji për Trepçën ka për qëllim krijimin e infrastrukturës ligjore e cila synon një zhvillim të qëndrueshëm ekonomik përmes hapjes së rrugës për investime, rritjen e vlerës së aseteve, dhe avancimin e kapitalit tekniko-teknologjik si parakusht për vitalizmin e “Trepçës”, jetike për mirëqenien sociale të punëtorëve dhe interesin e përgjithshëm publik.

Prishtinë, 30.09.2016 - Në ambiente të Ministrisë së Zhvilimit Ekonomik është mbajtur punëtoria ku është diskutuar draft Strategjia e Energjisë e Republikës së Kosovës 2016-2025.

Prishtinë, 21.09.2016 - Zëvendësministrja e Zhvillimit Ekonomik Besa Zogaj Gashi ka marrë pjesë në konferencën Western Balkan Brown Bag Lunch (BBL) Week, që po mbahet në Vashington nën organizimin e Bankës Botërore për Ballkanin Perëndimor.

Prishtina, 19.09.2016 - Pas përfundimit të suksesshëm të fazës së parë të pilot projektit Gratë në Punë Online (WoW) në komunën e Gjakovës dhe Lipjanit, sot ka filluar të zbatohet edhe faza e dytë e këtij projekti në komunën e Prishtinës, duke përfshirë edhe komunën e Fushë-Kosovës dhe Obiliqit.

Prishtinë, 09.09.2016 - Strategjia e Energjisë e Republikës së Kosovës 2016-2025 është një dokument sintetizues i gjitha përpjekjeve dhe aktiviteteve për ta ndryshuar sektorin e energjisë, transformuar dhe modernizuar atë, ka deklaruar Ministri i Zhvillimit Ekonomik, Blerand Stavileci me rastin e prezantimit të kësaj Strategjie, që përbën një prej obligimeve që hyn në kuadër të mandatit të MZHE-së.

Prishtinë, 09.09.2016 - Grupi Punues Ndërinstitucional i Republikës së Kosovës për themelimin One-Stop Shop-it, për Burimet e Ripërtërishme të Energjisë (BRE), i kryesuar nga zëvendësministrja e Ministrisë së Zhvillimit Ekonomik, Besa Zogaj-Gashi dhe me mbështetjen e projektit Repower-Kosovo të USAID-it, kanë zhvilluar një vizitë studimore në Danimarkë dhe Belgjikë për tu njohur me praktikat më të realizuara evropiane në proceset e zhvillimit të projekteve të BRE-së.

Prishtinë, 08.09.2016 - Ministri i Zhvillimit Ekonomik, Blerand Stavileci, i shoqëruar nga Zv/Ndihmësja e Sekretarit të Shtetit për Energji dhe Resurse Natyrore të SHBA-së, Mary Warlick, kanë vizituar sot Korporatën Energjetike të Kosovës (KEK), me ç’rast kjo e fundit ka rikonfirmuar mbështetjen e SHBA-së për sektorin e energjisë të Kosovës.

Prishtinë, 31.08.2016 - Zëvendësministri i Zhvillimit Ekonomik Gani Koci ka pritur në një takim Abasadoren e Kroacisë në Prishtinë, Marija Kapitanoviq e shoqëruar nga Zllatko Vnuqec Sekretar i dytë i Ambasadës kroate, me të cilën janë dakorduar që të vazhdojë bashkëpunimi i dy vendeve në fushat që mbulon MZHE, me fokus sektori i minierave dhe gjeologjisë.

Prishtinë, 29.07.2016 - Ministri i Zhvillimit Ekonomik, Blerand Stavileci ka vizituar sot Kompaninë “Formon”, e cila ka lansuar projektin më të ri Printer 3D, prodhimi i parë i këtij lloji i dal nga kompanitë vendore.

Prishtinë, 20.07.2016 - Roli i Operatorit të Sistemit, Transmisionit dhe Tregut të Kosovës (KOSTT) në qëndrueshmërinë dhe stabilitetin e sistemit elektroenergjetik të vendit tonë është i pazëvendësueshëm. Kështu u vlerësua gjatë vizitës që Kryeministri i Kosovës, Isa Mustafa dhe Ministri i Zhvillimit Ekonomik, Blerand Stavileci i bënë kësaj ndërmarrje publike, ku nga drejtuesit e saj u njoftuan për të arriturat dhe punën që po bëhet.