Prishtinë, 20.07.2016 - Roli i Operatorit të Sistemit, Transmisionit dhe Tregut të Kosovës (KOSTT) në qëndrueshmërinë dhe stabilitetin e sistemit elektroenergjetik të vendit tonë është i pazëvendësueshëm. Kështu u vlerësua gjatë vizitës që Kryeministri i Kosovës, Isa Mustafa dhe Ministri i Zhvillimit Ekonomik, Blerand Stavileci i bënë kësaj ndërmarrje publike, ku nga drejtuesit e saj u njoftuan për të arriturat dhe punën që po bëhet.

Prishtinë, 19.07.2016 - E-Qeverisja ka për synim ofrimin e shërbimeve më cilësore nga administrata publike për qytetarët, bizneset dhe vet administratën. Kështu u tha sot gjatë prezantimit të projektit të Ministrisë së Administratës Publike - Studimi i Fizibilitetit për e-Qeverisje dhe Investimet në TIK për IRK të financuar nga Banka Botërore.

Prishtinë, 13.07.2016 - Potenciali minerar që ka Republika e Kosovës nuk është shfrytëzuar në kapacitet që ka, andaj Qeveria do të shqyrtojë të gjitha mundësitë që të krijojë kushte më të favorshme për kompanitë e sektorit minerar me qëllim të shfrytëzimit të këtyre resurseve dhe krijimin e vendeve të reja të punës, ka deklaruar Ministri i Zhvillimit Ekonomik, Blerand Stavileci.

Prishtinë, 07.07.2016 - Strategjia dhjetë vjeçare e Energjisë do të jetë e gatshme deri në fund të këtij muaji, ka paralajmëruar sot Ministri i Zhvillimit Ekonomik, Blerand Stavileci, dhe bëri të ditur se në të përfshihen shtatë alternativa për furnizim me energji elektrike, por gjithnjë duke pasur parasysh përballueshmërinë e tarifave, respektivisht çmimeve për konsumatorët.

Prishtinë, 01.07.2016 - Teknologjia e Informacionit është i vetmi sektor që mund të tejkalojë orbitën e zhvillimeve të sektorëve tradicionalë, andaj investimet në kuadro të fushës së TI-së do të ndikojnë në zhvillimin ekonomik, respektivisht në krijimin e vendeve të reja punës, ka deklaruar, Ministër i Zhvillimit Ekonomik, Blerand Stavileci.

Prishtinë, 29.06.2016 - Ministri i Zhvillimit Ekonomik, Blerand Stavileci ka zhvilluar një takim pune me ambasadorë dhe përfaqësues të ambasadave të akredituara në Prishtinë si dhe përfaqësues të Zyrës së BE-së, me ç’rast ka prezantuar orientimet strategjike të Ministrisë që drejton dhe projektet më të rëndësishme, duke falënderuar ata për mbështetjen e vazhdueshme për Kosovën.

Prishtinë, 29.06.2016 - Ministria e Zhvillimit Ekonomik, në vazhdën e angazhimeve për realizimin e objektivave të Qeverisë është e përkushtuar që të zhvillojë dhe fuqizojë sektorin minerar, duke çmuar dhe vlerësuar si shtyllën më të rëndësishme për zhvillim të qëndrueshëm të vendit, ka deklaruar Blerand Stavileci ministër i Zhvillimit Ekonomik, në tryezën me temë “Vlerësimi i rrezikut nga korrupsioni në industrinë nxjerrëse: Gjetjet dhe rekomandimet”, organizuar nga UNDP.

Prishtinë, 28.06.2016 - Është finalizuar projekti më i rëndësishëm energjetik ‘Linja e interkoneksionit 400 kV Shqipëri-Kosovë, e cila ka një gjatësi totale prej 241.1 km, nga të cilat 151.1 km shtrihen në territorin e Shqipërisë dhe 90 km në territorin e Kosovës, duke i hapur kështu rrugë tregut të përbashkët të energjisë.

Prishtinë, 27.06.2016 - Strategjia e Kosovës për Teknologji Informative adreson qartë orientimet dhe detyrimet për të gjitha palët në proces, në mënyrë që potenciali i Kosovës në ofrimin e shërbimeve të TI-së brenda dhe përtej kufijve të Kosovës të ndikojë në “Transformimin Dixhital” të ekonomisë së vendit, u tha sot me rastin e lansimit të kësaj Strategjie.