Mitrovicë, 28 dhjetor 2009 - Ministrja e Energjisë dhe Minierave, Justina Shiroka Pula e shoqëruar nga rektori i UP-së, Mujë Rugova, dekani i Fakultetit Xehtaro-Metalurgjik (FXM), Izet Zeqiri dhe drejtori i Komisionit të Pavarur për Miniera dhe Minerale (KPMM), Azem Rexhaj, në ambiente të FXM-së në Mitrovicë, kanë përuruar të hënën Laboratorin e parë Gjeologjik, për hulumtime të kualitetit të shkëmbinjve dhe mineraleve.
Zagreb, 18 dhjetor 2009 - Zëvendësministri i Energjisë dhe Minierave Dr. Techn. Blerim Rexha, ka marr pjesë në takimin e shtatë të Këshillit Ndërministror të Traktatit të Komunitetit të Energjisë (TKE) të mbajtur në Zagreb. Në takim janë diskutuar të arriturat e shteteve nënshkruese të TKE –së si dhe hapat e mëtejmë që duhet ndërmarr drejt përmbushjes së obligimeve që dalin nga ky Traktat.
Prishtinë, 21 dhjetor 2009 – Ministrja e Energjisë dhe Minierave, Justina Shiroka- Pula, e shoqëruar nga zv/ministri Blerim Rexha, këshilltari Faik Nahi dhe menaxheri i Zyrës së PATEL-it, Lorik Haxhiu, ka pritur një delegacion nga Sllovenia që kryesohej nga Sekretarja e Ministrisë së Ekonomisë të Sllovenisë, Darja Radiq.
Berlin, 15 dhjetor 2009 - Zëvendësministri i Ministrisë së Energjisë dhe Minierave (MEM) dr.Techn Blerim Rexha i shoqëruar nga Ferat Shala drejtor i Trepçës dhe Ilir Morina Drejtor i Agjencionit për Mbrojtje të Mjedisit në kuadër të MMPH –së, kanë qëndruar në Berlin me ç’rast janë takuar me Dr. Werner Stackebrandt nga Agjencioni i Minierave të Republikës së Brandeburg dhe Berlin dhe prof. dr. Frank Riessback nga Universiteti i Humboldtit.
Prishtinë, 9 dhjetor 2009 – Të mërkurën zëvendësministri i Energjisë dhe Minierave dr.Techn. Blerim Rexha, së bashku më këshilltarin dr.Techn Bedri Dragusha, kanë pritur një delegacion hungarez të prirë nga Jeno Faler sekretar i Shtetit dhe zëvendësministër i Punëve të Jashtme të Hungarisë, Tamas Magda Shef i Departamentit hungarez për Ballkan dhe Agnes Kovago Këshilltare Politike në Departamentin hungarez për Ballkan.
Prishtinë, 26 nëntor 2009 - Në organizim të Ministrisë të Energjisë dhe Minierave (MEM), sot në Prishtinë u mbajt konferenca me temë “Përmirësimi dhe rikultivimi i tokave të dëmtuara për një mjedis më të mirë”, ku u diskutua gjendja aktuale sa i përket ndotjes së tokës dhe masat e ndërmarra për kthimin në gjendjen e mëparshme përmes rikultivimit.
LONDËR, 19 nëntor 2009- - Zëvendësministri i Energjisë dhe Minierave dr. Techn. Blerim Rexha, ka qëndruar në Britani në Forumin e Investimeve. Me këtë rast zv.ministri Rexha ka pohuar se Qeveria e Republikës se Kosovës i konsideron të domosdoshme investimet private në sektorin energjetik për të zhvilluar dhe aftësuar këtë sektor, duke pohuar se kjo do të ofronte shërbime energjetike të sigurta, cilësore dhe me çmime ekonomikisht të pranueshme për të gjithë qytetarët e Kosovës. “ Zhvillimi i qëndrueshëm dhe i shpejtë ekonomik dhe social i Kosovës në periudhën afatmesme dhe afatgjate kërkon mbështetjen nga një sektor energjetik i zhvilluar dhe modern që bazohet në shfrytëzimin e burimeve vendore konvencionale dhe të ri-përsëritshme të energjisë, burime këto që Kosova i posedon me shumicë” ka thënë zv.ministri e energjetikes dr.techn. Blerim Rexha.
Prishtinë, 09 nëntor 2009 – Në Ministrinë e Energjisë dhe Minierave (MEM), sot është mbajtur takimi i anëtarëve të Komitetit Drejtues të projektit Kosova e Re nën udhëheqjen e Ministres së Energjisë dhe Minierave, Justina Shiroka – Pula ku të pranishëm ishin edhe Ministrat tjerë të Qeverisë së Kosovës dhe kryesues të rregullatorëve të pavarur për Miniera dhe Energji, ku u diskutua rreth zhvillimeve lidhur me projektin Kosova e Re.
Prishtinë, 5 nëntor 2009 - Në Ministrinë e Energjisë dhe Minierave (MEM), është mbajtur takimi mbi Raportin e Progresit të Komisionit Evropian KE, për vitin 2009, në fushën e energjisë si dhe adresimi i sfidave dhe prioriteteve për vitin 2010
Prishtinë, 23 tetor 2009- Nën organizimin e Zyrës për Integrime Evropiane të MEM-it ,është mbajtur takimi për Gasin. Në takim pjesëmarrës ishin akterët e fushës energjetike siç janë MEM, ZRrE, KOST dhe KEK.
