Prishtinë, 3 shtator 2010 - Sot në mjediset e Ministrisë së Energjisë dhe Minierave është mbajtur takimi i katërt punues lidhur me procesin e dekomisionimit të Termocentralit “Kosova A” dhe i pari që nga formimi i grupeve punuese, ku morën pjesë përfaqësues të lartë nga MEM, MEF, MMPH, MPMS, MIE, ECLO, BB, USAID, KEK sh.a, etj.

Prishtinë, 1 shtator 2010 - Një delegacion nga Kosova i kryesuar nga Ministrja e Energjisë dhe Minierave,Justina Shiroka- Pula në përbërje të të cilit janë edhe Zv.ministri i MMPH, Idriz Vehapi, drejtori menaxhues i Kompleksit Trepça dhe drejtori u Agjencisë për Mjedis, Ilir Morina, po merr pjesë në Kongresin e Dytë Ndërkombëtar për Miniera dhe Sanim Mjedisor i sponsorizuar nga qeveria gjermane që po mbahet në Qendrën e Kongreseve në Dresden të Gjermanisë.

Prishtinë, 26 gusht 2010 - Në bazë të Ligjit mbi Partneritetin Publiko-Privat dhe Koncesionet në Infrastrukturë dhe Procedurat për Dhënien e Tyre dhe vendimin e Qeverisë të datës 31.10.2008 nr. 02/42 mbi projektin Hidrocentrali Zhur, Ministria e Energjisë dhe Minierave ka miratuar Listën e shkurtër e investitorëve për ndërtimin me koncesion të Hidrocentralit të Zhurit.

Prishtinë, 26 gusht 2010 - Sot në Ministrinë e Energjisë dhe Minierave është mbajtur takimi i përbashkët i MEM-it, MEF, Dogave, KEK-ut dhe GTZ-së ku është shqyrtuar studimi “Analiza e fushatës për kursim të energjisë elektrike me poça efiçientë në 200 shtëpi – përmirësimet teknike dhe qëndrueshmëria financiare për Qeverinë, KEK-un dhe amvisëritë”.

Prishtinë, 25 Gusht 2010 - Sot në Ministrinë e Energjisë dhe Minierave janë pranuar shprehjet e interesit nga investitorët për ndërtimin me koncesion të Hidrocentralit të Zhurit.