Prishtinë, 22.10.2013 - Ministri i Zhvillimit Ekonomik, Fadil Ismajli me bashkëpunëtorë ka inspektuar të martën përgatitjet finale në Aeroportin Ndërkombëtar të Prishtinës “Adem Jashari” për inaugurimin e terminalit të ri të ndërtuar nga Konsorciumi Turko-Francez, Limak dhe Aeroport de Lyon.
Prishtinë, 16.10.2013 - Prioritet i Ministrisë së Zhvillimit Ekonomik është Efiçienca e Energjisë krahas sigurimit të furnizimit të qëndrueshëm me energji, ka deklaruar ministri Fadil Ismajli, në tryezën me temën “Roli i institucioneve lokale në adresimin e politikave të Efiçiencës së Energjisë”, që u organizua nga Komisioni Parlamentar për Zhvillim Ekonomik, Infrastrukturë, Tregti dhe Industri i Kuvendit të Kosovës në bashkëpunim me Institutin e Prishtinës për Studime Politike.
Prishtinë, 16.10.2013 - Komisioni Qeveritar i Privatizimit të 75% të aksioneve të PTK-së (KQP) është takuar sot për të shqyrtuar gjendjen aktuale në lidhje me procesin e privatizimit të 75% të aksioneve të PTK-së.
Koln/Gjermani, 12.10.2013 - Diaspora shqiptare ka qenë dhe mbetet ndër faktorët kryesorë të zhvillimit ekonomik të Kosovës, mirëpo kërkohet një bashkërendim më i mirë i aktivitetit ekonomik të diasporës në mënyrë që prezenca e investimeve të tyre në Kosovë në ardhmen të jetë edhe më e madhe.
Prishtinë, 10.10.2013 - Sigurimi me energji elektrike është një faktor kryesor, dhe është faktor esencial për zhvillimin ekonomik të vendit. Tregu është instrument i ndërtuar jo vetëm si liberalizim apo jo vetëm si element i cili do të ndikojë në një konkurrencë të mirëfilltë në mes të operatorëve dhe të tjerëve, por është instrument i cili do të ndikojë edhe në ambient. Këto komente Ministri i Zhvillimit Ekonomik i bëri në konferencën me titull “Tregu energjetik në Evropën Juglindore 2013” të organizuar nga Evroenergie.
Prishtinë, 09.10.2013 - Ministri i Zhvillimit Ekonomik, Fadil Ismajli priti sot në takim drejtorin ekzekutiv të Komitetit të Evropës Juglindore për Zhvillim Ekonomik, Rainder Lindner, dhe dy anëtarët e delegacionit të tij; Helge Tolksdorf dhe Anja Quiring, përfaqësues të Departamentit për Zgjerim të EU-së, Evropë Juglindore dhe Turqi në Ministrinë Federale të Ekonomisë dhe Teknologjisë. Delegacioni nga Gjermania ishte i shoqëruar nga ambasadori i Gjermanisë në Republikën e Kosovës, Peter Blomeyer.
Prishtinë, 07.10.2013 - Ministri i Zhvillimit Ekonomik, Fadil Ismajli i shoqëruar nga bashkëpunëtorët e tij ka pritur sot në një takim njoftues Bordin e ri të Korporatës Energjetike të Kosovës Sh.A (KEK) të kryesuar nga Berat Rukiqi.
Uashington, 30.09.2013 - Ministri i Zhvillimit Ekonomik, Fadil Ismajli me bashkëpunëtorë gjatë qëndrimit në SHBA ka zhvilluar takime me zyrtarë të Departamentit të Shtetit, investitorë dhe organizata amerikane që ofrojnë përkrahje financiare dhe ekspertizë për projekte të energjisë si dhe zhvillim të kapitalit njerëzor.
Prishtinë, 27.09.2013 - Ministria e Zhvillimit Ekonomik konkretisht Njësia për Politika dhe Monitorimin e Ndërmarrjeve Publike (NJPMNP) me datë 26 dhe 27 Shtator 2013, ka organizuar trajnime për Bordet e Drejtoreve të Ndërmarrjeve Publike, me temat “Përgatitja e projekteve të infrastrukturës publike për fondet e BE” si dhe “Si të Monitorosh Planin Vjetor të Biznesit të Ndërmarrjeve Publike”.
Prishtinë, 24.09.2013 - Ministri i Zhvillimit Ekonomik, Fadil Ismajli ka pritur në një takim pune përfaqësues të KPMG, REDISA dhe Kusaga, organizata ndërkombëtare që merren me sektorin e menaxhimit të mbeturinave dhe riciklimin e tyre.
