Prishtinë, 12.12.2014 - Sot në Ministrinë e Zhvillimit Ekonomik është bërë pranim dorëzimi i detyrës së Ministrit, me ç’rast ish Ministri Fadil Ismajli i ka dorëzuar detyrën ministrit të ri, Blerand Stavileci.
Prishtinë,04.12.2014- Ministria e Zhvillimit Ekonomik, respektivisht Njësia për Politika dhe Monitorimin e Ndërmarrjeve Publike, ka mbajtur trajnimin për Bordet e Drejtorëve të Ndërmarrjeve Publike, me temën “Ndërmarrjet Publike me pronësi shtetërore dhe funksionimi i Qeverisjes Korporative”.
Prishtinë, 27.11. 2014-Ministria e Zhvillimit Ekonomik, në emër të Komitetit Drejtues të Projektit, ka shpallur afatin për dorëzimin e ofertave për ndërtimin e Termocentralit “Kosova e re”. MZHE, në emër të KDP-së, i ka njoftuar investitorët e parakualifikuar se afati për dorëzimin e ofertave për realizimin e këtij projekti është 19 Dhjetor 2014.
Fushë Kosovë, 21.11.2014 - Do të uroja që Hekurudhat e Kosovës të mos përdoren vetëm për transportin e lëndës së parë nga Kosova, por të përdoren për transportin e udhëtarëve dhe produkteve të gatshme për vende tjera, ka deklaruar Ministri i Zhvillimit Ekonomik, Fadil Ismajli.
Prishtinë, 17.11.2014 - Ministri i Zhvillimit Ekonomik, Fadil Ismajli me bashkëpunëtorë ka vizituar sot Termocentralin Kosova B, respektivisht ka inspektuar punimet finale në projektin e Kogjenerimit, që do të lidh këtë Bllokun B1 me “Termokos” Sh.A, që ka për qëllim përmirësimin e furnizimit me ngrohje për qytetin e Prishtinës.
Shkup, 14.11.2014 - Ministri i Zhvillimit Ekonomik, Fadil Ismajli, së bashku me Ministrin e Ekonomisë të Maqedonisë, Bekim Neziri, kanë zhvilluar sot një takim në Shkup ku janë dakorduar për projektet e përbashkëta, të cilat dalin nga konferenca e Berlinit dhe Budvës, projekte këto që do të kenë ndikim rajonal, ndërsa financohen nga Bashkimi Evropian.
Prishtinë, 12.11.2014- Bashkëpunimi Kosovë-Gjermani gjatë këtyre 15 viteve ka rezultuar i frytshëm, kështu u vlerësua gjatë takimit që Ministri i Zhvillimit Ekonomik, Fadil Ismajli ka zhvilluar sot me Kryetarin e Odave Zejtare të Gjermanisë, njëherit këshilltar i Kancelares Angela Merkel, Otto Kentzler dhe Kryetarin e Odës se Zejtarëve të Dortmundit, Wilhelm Hicking, ku i pranishëm ishte edhe kreu i Odës Ekonomike të Kosovës, Safet Gërxhaliu.
Izmir, 07.11.2014 - Ministri i Zhvillimit Ekonomik, Fadil Ismajli po merr pjesë në Samitin për Energji që po mbahet në Izmir të Turqisë me temën “Siguria Energjetike në Evropën Juglindore”.
Prishtinë, 05.11.2014 - Ministri i Zhvillimit Ekonomik Fadil Ismajli, ka pritur në takim Ministrin e Ndërrmarësisë dhe Industrisë të Kroacisë, Gordan Marash i shoqërohej nga Ambasadori kroat në Prishtinë, Zoran Vodopija, me të cilët ka diskutuar mbi shkëmbimin e përvojave profesionale dhe akademike në mes dy vendeve, projekte këto të financuar nga Bashkimi Evropian.
Prishtinë, 04.11.2014- Me angazhim e madh të ekspertëve të Shërbimit Gjeologjik të Kosovës që vepron në kuadër të MZHE-së, përfundimisht nga 20 tetori 2014, Kosova është anëtare e asociuar në Shërbimin Gjeologjik Evropian - Euro GeoSurvey, që vjen mbi bazën e aplikimit i cili është dorëzuar në qershor të këtij viti, ka deklaruar Ministri i Zhvillimit Ekonomik, Fadil Ismajli.
