Prishtinë, 28.04.2016 - Sektori i Teknologjisë Informative dhe Komunikuese është njëri nga sektorët që mund të jap kontributin më të madh në rritjen ekonomike të vendit tonë dhe njëkohësisht përfshirjes më të madhe të potencialit femëror në këtë fushë, ka deklaruar Ministri i Zhvillimit Ekonomik, Blerand Stavileci në hapje të Konferëncës “Gjinia dhe TIK”, që u mbajt sot në ambientet e AUK në Prishtinë.
Prishtinë 13.04.2016 - Zëvendësministrja e Zhvillimit Ekonomik Besa Zogaj- Gashi, ka takuar drejtorin për Ballkanin Perëndimor të BERZH-it z. Holger Muent i shoqëruar nga ekipi punues, të cilët po qëndrojnë në Kosovë për hartimin e “Strategjia e Kosovës –BERZH”, e cila do të jetë në funksion të vazhdimit dhe thellimit të mbështetjes së BERZH-it, për financimin e ekonomisë dhe bizneseve lokale për Kosovën.
Prishtinë 13.04.2016 - Zëvendësministrja e Zhvillimit Ekonomik Besa Zogaj – Gashi, ka pritur në një takim Sekretarin Gjeneral për Marrëdhënie Ekonomike Ndërkombëtare në Ministrinë e Punëve të Jashtme të Greqisë z. Yiorgos Tsipras i shoqëruar nga shefja e Zyrës Ndërlidhëse të Greqisë në Prishtinë Constantina Athanassiadou, me të cilët ka diskutuar bashkëpunimin ekonomik në mes dy vendeve, i cili sipas palëve duhet të vazhdoj të forcohet.
Prishtinë, 12.04.2016 - “Ne jemi duke u përkushtuar që sektorin e energjisë ta stabilizojmë njëkohësisht fuqizojmë me gjenerimin e kapaciteteve të reja si dhe rehabilitimin e atyre ekzistuese”, kështu ka deklaruar zëvendësministrja e Zhvillimit Ekonomik Besa -Zogaj –Gashi, gjatë një takimi me Drejtorin e Zyrës për Ballkanin për Asistencë Emil Vasilev në kuadër të Asociacionit Ballkanik të Bizneseve të vogla.
Prishtinë, 05.04.2016 - “Qeveria e Kosovës është e përkushtuar që sa më parë të zgjidh problemet e qytetarëve të Kosovës, sidomos ato që kanë të bëjnë me kushtet elementare për jetë siç është uji“, kështu ka deklaruar zëvendësministrja e Ministrisë së Zhvillimit Ekonomik, Besa Zogaj – Gashi, e cila ka vizituar fshatrat Boletin, Kelmend dhe Zhash që ndodhen në veri të Mitrovicës.
Prishtinë, 01.04.2016 - Zëvendësministrja e Zhvillimit Ekonomik, Besa Zogaj-Gashi, ka pritur në një takim zëvendësministrin e Energjisë dhe Industrisë të Shqipërisë, Gëzim Musabelliu, me të cilin ka diskutuar për thelluar bashkëpunimin në fushën minerare në mes dy vendeve.
Prishtinë, 31.03.2016 - Kompanitë e energjisë duhet të angazhohen për një ndryshim të vërtetë të kulturës në përfshirjen e femrës, dhe kjo është arsyeja pse është aq shumë inkurajuese për të parë kaq shumë femra sot, kështu ka deklaruar Zëvendësministrja e Zhvillimit Ekonomik, Besa Zogaj-Gashi në hapje të punëtorisë për themelimin e mRrethi (mCircle), që u mbajt sot në Prishtinë.
Tiranë, 30.03.2016 - Kosova dhe Shqipëria në kuadër të tregut të përbashkët synojnë të ndërtojnë edhe kapacitete të përbashkëta të gjenerimit të energjisë, dhe për këtë shumë shpejt do të kryejnë edhe një studim fizibiliteti me mbështetjen e USAID-it. Kështu kanë bërë të ditur Ministri i Zhvillimit Ekonomik i Kosovës, Blerand Stavileci dhe homologu i tij, Ministri i Energjisë dhe Industrisë i Shqipërisë, Damian Gjiknuri.
Prishtinë, 29.03.2016 - Rritja e qëndrueshme ekonomike mund të sigurohet vetëm me arsim cilësor, kapital njerëzor profesional, shtet ligjor, menaxhim efikas të financave publike, treg të hapur dhe disponueshmëri të infrastrukturës, ka deklaruar Zëvendësministrja e Zhvillimit Ekonomik, Besa Zogaj-Gashi.
Prishtinë, 21.03.2016 - Në muajin e ardhshëm, Marrëveshja e Stabilizim Asociimit (MSA), do të hyjë në fuqi dhe do të krijojë mundësi të mëdha për prodhuesit kosovarë. Produktet nga Kosova do të hyjnë në tregun e Bashkimit Evropian, pa ndonjë barrierë dhe në kthim kjo do të krijojë shumë mundësi në krijimin e partneriteteve, si dhe nxitjen e investimeve, kështu ka deklaruar Besa Zogaj - Gashi zëvendësministre e Zhvillimit Ekonomik në Konferencën Ndërkombëtare B2B për Gratë Sipërmarrëse e cila po mbahet nën patronatin e Ministrisë së Zhvillimit Ekonomik në bashkëpunim me Agjencinë lokale Prishtina REA.
