Prishtinë, 01.12.2015 - Ministri i Zhvillimit Ekonomik, Blerand Stavileci, i cili njëherësh është edhe udhëheqës i Komitetit Drejtues të Projektit (KDP) të Termocentralit “Kosova e Re”, (TCKR), sot ka prezantuar para Komisionit Parlamentar për Zhvillim Ekonomik, Infrastrukturë, Tregti dhe Industri, (ZhEITI), Strukturën e Projektit TC “Kosova e Re”. Ky takim është mbajtur me kërkesë të Ministrit Stavileci.

Prishtinë 26.11.2015 - Qeveria e Republikës së Kosovës është e përkushtuar për zhvillimin e sektorit të energjisë nga burimet e ripërtëritshme, si parakusht për zhvillim të qëndrueshëm ekonomik, kështu ka deklaruar zëvendësministrja e Zhvillimit Ekonomik Besa Zogaj Gashi, gjatë inaugurimit të Hidrocentralit të parë “ Brodi 2” në fshatin Mlikë Komuna e Dragashit.Gashi tha se ky hidrocentral është një investim i mirë i cili do të ndikojë në zhvillimin dhe mirëqenien e qytetarëve të kësaj ane.

Prishtinë, 20.11.2015 - Zëvendësministrja e Zhvillimit Ekonomik Besa Zogaj - Gashi ka zhvilluar takim me zëvendësministrin e Energjisë dhe Industrisë Ilir Bejtja dhe këshilltaren e parë për energji, Entela Çipa me të cilët kanë diskutuar për ofrimin e shërbimeve ndihmëse (rregulim sekondar) me Shiqperinë.

Prishtinë, 20.11.2015 - Ministri i Zhvillimit Ekonomik, Blerand Stavileci ka bërë të ditur se Komiteti Drejtues Projektit TC "Kosova e Re" ka marrë vendim që kompania amerikane Contour Global të shpallet fitues i preferuar, për ndërtimin e kapaciteteve të reja gjeneruese me kapacitet 500MW, me një investim prej 1 miliard euro, duke arritur të finalizojë një projekt të nisur për më shumë se një dekadë.

Prishtinë, 13.11.2015 - “Shërbimi Gjeologjik i Kosovës para një viti ka qenë në dijeni dhe ka monitoruar daljen e gazit natyror dhe me qëllim të marrjes së informacioneve dhe studimit profesional në këtë zonë në bashkëpunim me zyrtarët e KPMM-së ka dalë në vendin e ngjarjes për ta identifikuar fenomenin e daljes së ujit me presion”, kështu ka thënë Fidaim Sahiti Kryeshef Ekzekutiv i Shërbimit Gjeologjik të Kosovës (SHGJK) gjatë punëtorisë dy ditore me temë; “Paraqitja dhe Perspektiva e Hulumtimeve të Gazit Natyrorë në Lokalitetin Torinë Komuna e Lipjanit”.

Prishtinë, 10.11.2015 - Pas një angazhimi shumë të madh dhe vizitës së fundit të Ministrit të Zhvillimit Ekonomik, Blerand Stavileci në SHBA, së bashku me ekipet e MZHE-së, Bankës Botërore dhe kompanisë Contour Global u arrit marrëveshja rreth pikave që ishin objekt i negociatave, të cilat hapin rrugën për nënshkrimin e marrëveshjes me të cilën kompanisë amerikane do t'i jepet statusi i ofertuesit të preferuar.

Prishtinë, 10.11.2015 - Investimi në fuqizimin ekonomik të gruas nuk është vetëm investim në individ, por është investim në shoqëri dhe investim në qëndrueshmërinë tonë si shtet ka deklaruar, Zëvendësministrja e Zhvillimit Ekonomik, Besa Zogaj-Gashi, në konferencën “Barazia gjinore dhe ekonomia”, që u organizua nga Kolegji UBT- Prishtinë.

Prishtinë, 06.11.2015 - Më 4 dhe 5 nëntor në Prishtinë u mbajt punëtoria mbi themelimin e One-Stop Shop-it për përkrahjen e zhvillimit të projekteve të Burimeve të Ripërtërishme në Kosovë.

Prishtinë, 05.11.2015 - “Uji është thelbi i zhvillimit të qëndrueshëm. Burimet e ujit dhe numri i madh i shërbimeve që ofron mbështesin uljen e varfërisë, rritjen ekonomike dhe qëndrueshmërinë e mjedisit, duke kontribuar në përmirësimin e mirëqenies sociale”, është shprehur zëvendësministrja e Zhvillimit Ekonomik, Besaj Zogaj-Gashi, gjatë Konferencës dhe Ekspozitës së tretë të përbashkët Ballkanike me temë “Uji dhe Zhvillimi i Qëndrueshëm”.

Prishtinë, 03.11.2015 - Kosova është duke punuar një strategji kombëtare që do ta bëjë TIK dhe Inovacionin një nga prioritetet kryesore për zhvillim ekonomik, duke u bazuar në faktin se vendi ka popullsinë më të re në Evropë dhe shfrytëzimin e internetit në 83% të ekonomive familjare, ka deklaruar Ministri i Zhvillimit Ekonomik, Blerand Stavileci.