Prishtinë, 07.03.2017 - Kosova, mban vendin e pestë në Evropë për posedim të rezervave të linjitit. Këto rezerva përfaqësojnë një prej faktorëve më të rëndësishëm për gjenerimin e energjisë, kështu ka deklaruar zëvendësministrja e Zhvillimit Ekonomik Besa Zogaj-Gashi, në hapje të Forumit Ekonomik Kosovë –Greqi me temë “Bashkëpunimi Ekonomik Sfidat dhe Perspektivat”, duke shtuar se Qeveria e Kosovës është duke zhvilluar projekte të mëdha lidhur me eksploatimin e ri të linjitit, të cilat ofrojnë mundësi unike për kompanitë e interesuara për investim në sektorët e energjisë dhe minierave.

Ministri i Zhvillimit Ekonomik, Blerand Stavileci, ka theksuar përkushtimin e Qeverisë që viti 2017 të jetë vit i zgjidhjes së problemit ekonomik dhe social të kombinatit Trepça.

Ministri i Zhvillimit Ekonomik, Blerand Stavileci me kërkesë të tij, ka raportuar sot para Grupit Parlamentar të Partisë Demokratike të Kosovës, me c’rast i ka informuar deputetët me procesin e projektit të TC ‘Kosova e Re’, nga të cilët mori mbështetje të plotë.

Prishtinë, 28.02.2017 - Qeveria po bën përpjekje maksimale që të kryej reformat ekonomike, që shkojnë në linjë me kërkesat e Marrëveshjes së Stabilizim Asociimit, ku hyn harmonizimi i legjislacionit, politikat tregtare, sundimin e ligjit, lufta kundër korrupsionit, kështu u tha gjatë tryezës “Dialogu për Investime”, të organizuar nga Këshilli i Investitorëve Evropianë (KIE) dhe Qeveria e Kosovës që u mbajt sot në Prishtinë.

Prishtinë, 27.02.2017 - Ka diplomuar gjenerata e dytë e pjesëmarrësve në projektin Women Online Work (Gratë në Punë Online), derisa është lansuar faza e tretë e tij, e cila do të realizohet nga Ministria e Zhvillimit Ekonomik në bashkëpunim me USAID dhe do të zhvillohet në komunën e Prishtinës dhe Gjilanit.

Prishtinë, 24.02.2017 - Në vazhdën e zbatimit të masave të efiçiencës së energjisë në objektet publike, Ministria e Zhvillimit Ekonomik ka investuar mbi 60 mijë euro në implementimin e këtyre masave në SHFMU ‘Jahë Salihu” në Molliq të Gjakovës, me çka përmirësohen dukshëm kushtet e punës për nxënësit dhe stafin mësimdhënës të saj.

Prishtinë, 23.02.2017 - Ministri i Zhvillimit Ekonomik, Blerand Stavileci ka raportuar në Komisionin Parlamentar për Stabilizim-Asociim (KPSA) dhe Këshillit për Stabilizim-Asociim (KSA), ku ka prezantuar të arriturat dhe sfidat në fushën e energjisë, që lidhen edhe me zbatimin e Agjendës Evropiane të Reformave.

Prishtinë, 23.02.2017 - Ministri i Zhvillimit Ekonomik, Blerand Stavileci ka ripërsëritur mbështetjen e tij për Inovacion dhe Teknologji Informative, duke shtuar se ky sektor tashmë është në agjendën qeveritare si pjesë e pandashme e strategjisë së zhvillimit ekonomik, respektivisht ekonomisë kreative, e cila do të mundësohet përmes ideve që mundëson fusha e TIK-ut.

Prishtinë, 21.02.2017 - Platforma për Monitorim dhe Vlerësim (PMV) është një instrument tejet i rëndësishëm që ne të përcjellim zbatimin e planit nacional dhe planeve komunale për Efiçiencë të Energjisë, ka deklaruar sot Ministri i Zhvillimit Ekonomik, Blerand Stavileci me rastin e pranimit të kësaj platforme.