Prishtinë, 21.03.2019 - Agjencia e Kosovës për Efiçiencë të Energjisë ka mbajtur sot takimin e dytë të Ekipit Punues për Hartimin e Planit Kombëtar të Veprimit për Efiçiencë të Energjisë ( PKVEE), i cili takim është udhëhequr nga kryeshefi i Agjencisë së Kosovës për Efiçiencë të Energjisë, Arsim Kuliqi.
Prishtinë, 15.03.2019 - Në vazhdën e implementimit të projektit “Promovimi i Efiçiencës së Energjisë në nivel lokal përmes zbatimit të masave të Efiçiencës së Energjisë”, Ministria e Zhvillimit Ekonomik ka nënshkruar memorandum bashkëpunimi me Komunën e Gjakovës.
Prishtinë, 12.03.2019 - Ministri i Zhvillimit Ekonomik, Valdrin Lluka, priti në takim ambasadorin jorezident të Katarit për Kosovë, Ali Bin Hamad Al Marri, me të cilin diskutoi rreth mundësive për bashkëpunim ekonomik në sektorët të cilat mbulon MZHE.
Prishtinë, 11.03.2019 Duke u nisur nga interesi i përbashkët për të koordinuar aktivitetet e ndërlidhura për sektorin e energjisë në veçanti promovimin e efiçiencës së energjisë, ministri i Zhvillimit Ekonomik, Valdrin Lluka ka nënshkruar memorandumin e bashkëpunimit me kryetarin e Komunës së Kamenicës, Qëndron Kastrati, me synim të përmirësimit të ndriçimit publik.Ministria e Zhvillimit Ekonomik do të ofroj përkrahje prej 67 mijë euro për Komunën e Kamenicës me qëllim që të përmirësohet ndriçimi publik në këtë komunë, ndërsa Komuna e Kamenicës do të ofrojë 7 mijë euro për këtë projekt.
Prishtinë, 11.03.2019 - Ministri i Zhvillimit Ekonomik, Valdrin Lluka, priti sot delegacionin e bizneseve nga Shtetet e Bashkuara të Amerikës, të kryesuar nga konsullja e Kosovës në SHBA, Teuta Sahatqija, me të cilët diskutoi rreth sektorit të teknologjisë informative dhe komunikimit (TIK), sektorit të energjisë dhe klimës të të bërit biznes në Kosovë.
Prishtinë, 06.03.2019 - Ministri i Zhvillimit Ekonomik, Valdrin Lluka, në ditën e dytë dhe të fundit të qëndrimit në Kanada, ka prezantuar potencialet e Kosovës në sektorin minerar dhe sektorë të tjerë para bizneseve të shumta kanadeze. Ky prezantim zgjoi interesim të jashtëzakonshëm, gjë që u konfirmua menjëherë që një delegacion biznesor nga Kanadaja do të vij në Kosovë në muajin Shtator të këtij viti.
Prishtinë, 05.03.2019 - Ministri i Zhvillimit Ekonomik, Valdrin Lluka, i shoqëruar nga deputetja Sala Berisha-Shala dhe kryetari i Bordit të “Trepçës”, Ardian Syla po qëndrojnë për një vizitë 3 ditorenë Toronto të Kanadasë për të marrë pjesë në konferencën vjetore të minierave dhe mineraleve, PDAC. Kjo konferencë bashkon politikën, organizatat dhe bizneset me qëllim të tërheqjes së investimeve në këtë fushë.
Prishtinë, 02.03.2019 - Ministri i Zhvillimit Ekonomik, Valdrin Lluka, përmes një postimi në rrjetet social ka shpalosur projektet në fushën e Teknologjisë, Informimit dhe Komunikimit (TIK), të cilat janë në zhvillim dhe ato të cilat do të fillojnë gjatë vitit 2019.
