Prishtinë, 30.01.2026 – Nesër mbyllet thirrja publike për Skemën e Granteve për Energji të Pastër të ndërmarrjeve prodhuese dhe përpunuese, nga e cila skemë, bizneset do të përfitojnë deri në 20,000 euro për një masë të vetme dhe deri në 25,000 euro për masa të kombinuara.

Projekti në vlerë prej 1,000,000.00 euro, është financuar nga Dukati i Madh i Luksemburgut e zbatuar nga KIESA/MINT, në partneritet me Ministrinë e Ekonomisë (ME) dhe LuxDev, Agjencia e Luksemburgut për Bashkëpunim Zhvillimor.

Thirrja u dedikohet ndërmarrjeve mikro, të vogla dhe të mesme, si dhe ndërmarrjeve të mëdha që nuk përfitojnë nga tarifat e rregulluara të energjisë elektrike dhe që kanë si aktivitet primar ose sekondar prodhimin apo përpunimin. Thirrja për aplikim ka qenë e hapur që nga data 10.10.2025 dhe mbyllet më datë 31.01.2026 në ora 24:00.

Gjatë kësaj kohe, janë organizuar disa sesione informuese me biznese dhe palët e interesit, dhe është një numër i konsiderueshëm i bizneseve që kanë aplikuar deri më tani për përfitim nga kjo skemë mbështetëse.

Bizneset që janë në proces të aplikimit, i ftojmë që të sigurohen që aplikimin ta përmbyllin me kohë brenda ditës së nesërme, në mënyrë që të konsiderohet i vlefshëm.

Skema përfshin tri masa kryesore:

• Sisteme solare dhe bateri për ruajtje të energjisë,
• Masat e efiçiencës së energjisë në ndërtesat e bizneseve,
• Pajisje për uljen e konsumit të energjisë në linjat e prodhimit.

Mbështetja financiare përfshin:

• Deri në 20,000 euro për një masë të vetme,
• Deri në 25,000 euro për masa të kombinuara.

Përveç mbështetjes financiare, përfituesit do të kenë qasje edhe në ngritje kapacitetesh dhe asistencë teknike, për të siguruar investime të qëndrueshme dhe afatgjata.

Për më shumë informacione mbi mënyrën e aplikimit dhe detajet e thirrjes, ju lutemi vizitoni: https://kiesa.rks-gov.net/Page.aspx?id=1,5,1021
Aplikimi realizohet përmes platformës eKosova: https://ekosova.rks-gov.net/
Përgjigje për pyetjet më të shpeshta në lidhje me grant skemën për energji të pastër: https://me.rks-gov.net/wp-content/uploads/2026/01/PERGJIGJE-PER-PYETJET-ME-TE-SHPESHTA-NE-LIDHJE-ME-THIRRJEN-PUBLIKE-PER-GRANT-SKEMEN-PER-ENERGJI-TE-PASTER.pdf