Prishtinë, 27 nëntor 2025 – Zyrtarët e Ministrisë së Ekonomisë (ME) kanë vizituar sot Forcën e Sigurisë së Kosovës, me rastin e shënimit të “Ditës së Forcës”, një ngjarje e rëndësishme që çdo vit nderon zhvillimin, profesionalizmin dhe të arriturat e FSK-së.

Gjatë kësaj dite, Ushtria e Kosovës ka ekspozuar pajisjet dhe kapacitetet e saj ushtarake, duke prezantuar progresin e bërë në modernizimin e forcave dhe rritjen e gatishmërisë operacionale.

Zyrtarët e Ministrisë së Ekonomisë kanë uruar pjesëtarët e FSK-së në Ditën e tyre, duke vlerësuar lart kontributin, përkushtimin dhe arritjet e vazhdueshme të tyre, duke i falënderuar për shërbim ndaj vendit dhe sigurisë kombëtare.

Ministria e Ekonomisë rikonfirmon mbështetjen e saj për institucionet e sigurisë dhe bashkëpunimin ndërinstitucional, me synim forcimin e kapaciteteve dhe avancimin e shërbimeve për qytetarët e Republikës së Kosovës.