Prishtinë, 25.05.2016 - Ekonomia e gjelbër dhe ekonomia digjitale janë dy sektorë me të cilët ekonomia e vendit do të transformohet, prandaj MZHE, respektivisht Qeveria është duke i trajtuar me prioritet, ka deklaruar Ministri i Zhvillimit Ekonomik, Blerand Stavileci në hapje të edicionit të 15-të të Panairit Ndërkombëtar i Ndërtimit, Energjetikës dhe Teknikës “EXPOKOS” në Prishtinë.
Prishtinë, 24.05.2016 - Kosova dhe Shqipëria shumë shpejt do të nënshkruajnë memorandumin, i cili do të paraprijë një studimi të përbashkët të fizibilitetit për kapacitetet e përbashkëta gjeneruese në fushën e energjisë, në mënyrë që të dyja vendet të harmonizojnë burimet në fushën e energjisë. Kjo është bërë e ditur në Expo Forumin me temën ‘Projektet kryesore, menaxhimi i modeleve të reja të sektorëve strategjikë Kosovë-Shqipëri, Alternativat Financiare në periudhat e post krizave”, që u mbajt sot në Tiranë.
Prishtinë, 20.05.2016 - Në kuadër të vizitave të Kompanive të fushës së TIK-ut, sot ministri i Zhvillimit Ekonomik, Blerand Stavileci, ka vizituar kompanitë Entermedia dhe Data Lab. Në këto takime Stavileci i ka njoftuar drejtuesit e tyre që tashmë fusha e TIK-ut, është njëra nga prioritet qeveritare me perspektivë për të rinjt e vendit. Me këtë rast përfaqësues të kompanive Entermedia dhe Data- Lab kanë falënderuar ministrin Stavileci për gatishmërin e tij që fushën e TIK-ut ta bejë pjesë të agjendës qeveritare për çka palët janë dakorduar që të intensifikojnë bashkëpunimin në mënyrë që TIK-u t’i jap impuls pozitiv ekonomisë së vendit.
Prishtinë, 20.05.2016 - Ministri i Zhvillimit Ekonomik, Blerand Stavileci, ka vlerësuar se Projekti për Blerjen e Motoçikletave/Biçikletave Ekologjike (E Bicycle) nga Posta e Kosovës është një projekt me dimension të mbrojtjes së mjedisit, por njëkohësisht përmirëson shërbimet e kësaj kompanie ndaj qytetarëve.
Prishtinë, 19.05.2016 - Kosova dhe Shqipëria kohëve të fundit kanë intensifikuar aktivitetet për realizimin e interesit strategjik për të dy vendet me qëllim të krijimit të tregut të përbashkët në sektorin e energjisë elektrike, por ky angazhim ka shkuar më tej në hulumtimin e mundësisë së investimeve të përbashkëta në kapacitete të reja gjeneruese, ka deklaruar Ministri i Zhvillimit Ekonomik, Blerand Stavileci.
Prishtinë, 19.05.2016 - “Jemi të interesuar që të krijojmë një lidhje ndërmjet ekonomisë, botës akademike dhe sektorit privat, e cila lidhje mund të ndryshoj ritmin e zhvillimit ekonomik drejt trenditpozitiv. Këtë lidhje duam ta intensifikojmë sidomos në sektorin e TIK-ut, sektor ky me perspektivë të sigurt për të rinjt e vendit “, ka deklaruar Blerand Stavileci ministër i Zhvillimit Ekonomik gjatë një bashkëbisedimi me studentët e Fakultetit të Inxhinerisë Elektrike dhe Komjuterike FIEK, të cilëvë u ka ofruar njëherit përkrahjen e tij drejt orientimit të tyre në realizimin ambicieve të tyre.
Prishtinë, 18.05.2016 - Ministri i Zhvillimit Ekonomik, Blerand Stavileci ka vlerësuar zhvillimet pozitive që ka pasur sektori i distribuimit dhe furnizimit me energji elektrike pas privatizimit të KEDS, që ka rezultuar me përmirësim të inkasimit dhe uljes së humbjeve.
Prishtinë, 18.05.2016 - “Mbështetja e sektorit privat, respektivisht krijimi i mundësive për të bërë biznes është njëri nga dimenzionet ekonomike, të cilin Qeveria është e interesuar ta fuqizojë”, kështu është shprehur Blerand Stavileci ministër i Zhvillimit Ekonomik, gjatë një bashkëbisedimi me drejtues të bizneseve private, organzuar nga Oda Ekonomike Amerikane.
Prishtinë, 17.05.2016 - Zëvendësministrja e Zhvillimit Ekonomik, Besa Zogaj-Gashi me ftesë të Zyrës së Ballkanit për Asistencë në Sofje, mori pjesë në Konferencën Ndërkombëtare me temën “Përkrahja politike për ndërmarrjet që startojnë dhe për sipërmarrësit e rinj”, e organizuar nga Zyra e Ballkanit për Asistencë për dhjetë vendet e rajonit përfshirë Kosovën.
Priština, 17.05.2016 - Pomoćnik ministra ekonomskog razvoja , Besa Zogaj - Gashi na poziv Kancelarije Balkana za pomoći u Sofiji , prisustvovala na Međunarodnu konferenciju na temu “Politička podrška za kompanije koje startuju i za mlade preduzetnike " , u organizaciji Kancelarije Balkana za pomoć za deset zemalja u regionu , uključujući Kosovo.
