Prishtinë, 01.11.2016 - Me qëllimi të diskutimit të gjendjes aktuale dhe sfidat me të cilat ballafaqohen Ndërmarrjet Publike Qendrore, sot Kryeministri Isa Mustafa i shoqëruar nga Ministri i Zhvillimit Ekonomik, Blerand Stavileci, kanë zhvilluar një takim me Kryesuesit e Bordeve të Drejtoreve dhe Kryeshefave Ekzekutiv të 16 Ndërmarrjeve Publike Qendrore.
Prishtinë, 31.10.2016 - Ministri i Zhvillimit Ekonomik, Blerand Stavileci, ka deklaruar se reformimi i sektorit të energjisë është prioritet i Qeverisë, ndërsa qëllimi kryesor që synohet të arrihet është siguria e furnizimit me energji dhe implementimi i obligimeve kontraktuale të marra në kuadër të Traktatit të Komunitetit të Energjisë.
Prishtinë, 31.10.2016 - Qeveria e Republikës së Kosovës është e përkushtuar që në mënyrë të veçantë t’a trajtojë sektorin e Teknologjisë Informative, duke e vendosur kështu si njërën nga fushat me prioritet, kështu ka deklaruar Ministri i Zhvilimit Ekonomik Blerand Stavileci në takimin e radhës së Komitetit Drejtues për zbatimin e Strategjisë së Kosovës për Teknologji Informative.
Prishtinë, 31.10.2016 - Ministër i Zhvillimit Ekonomik, Blerand Stavileci ka raportuar sot para Komisionit për Integrime Evropiane të Kuvendit të Kosovës, me ç’rast ka prezantuar të arriturat në përmbushjen e veprimeve që dalin nga Programi Kombëtar për Zbatimin e MSA në rrafshin e zhvillimit ekonomik si dhe Fondet e IPA-s.
Prishtinë, 31.10.2016 - Ministria e Zhvillimit Ekonomik si përgjegjëse për krijimin e politikave kombëtare për Teknologji Informative dhe Komunikuese, së bashku me akterë tjerë që kanë të bëjnë me sektorin e TIK-ut, është duke bërë përpjekje që kjo teknologji të jetë promotor i zhvillimit të mëtutjeshëm ekonomik dhe proceseve shoqërore në Kosovë, kështu ka deklaruar Besa Zogaj – Gashi, zëvendësministre e Zhvillimit Ekonomik në hapje të Konferencës vjetore të Bankave të Kosovës me temë; “ Shërbimet Digjitale Bankare në Kosovë “, organizuar nga Shoqata e Bankave të Kosovës.
Prishtinë, 28.10.2016 - Me ligjin për Trepçën i kemi hapur një derë dhe mendoj që tash me strategji dhe me një model të përcaktuar dhe të elaboruar me kujdes, “Trepçën” e pret një e ardhme më e mirë, mirëpo jo pa rreziqe, ka deklaruar Ministri i Zhvillimit Ekonomik, Blerand Stavileci.
Prishtinë, 28.10.2016 - Konferenca e Teknologjisë Informative KOSICT për të pestin vit me radhë ka mbledhur në Prishtinë përfaqësues të teknologjisë dhe biznesit, të cilët për dy ditë do të vënë në qendër të vëmendjes këtë sektor. Konferenca zhvillohet nën patronatin e kryetarit të Kuvendit të Republikës së Kosovës, Kadri Veseli, ndërsa marrin pjesë rreth 50 folës dhe mbi 1 mijë pjesëmarrës.
Prishtinë, 28.10.2016 - Fuqizimi i grave, më shumë se një qëllim, është një proces kompleks, i cili kërkon mbështetjen e të gjithë faktorëve, por mbi të gjitha vendosmërinë dhe vullnetin e vet gruas. Gruaja duhet të jetë faktor kyç në secilin proces dhe vendimmarrje dhe jo në bazë të faktorit gjinor, por për shkak të kapaciteteve dhe profesionalizmit që ka dëshmuar ndër vite, ka deklaruar Zëvendësministrja e Zhvillimit Ekonomik, Besa Zogaj-Gashi.
Prishtinë, 27.10.2016 - Pesë fshatra të Komunës së Vitisë, Sllatinë e Epërme, Sllatinë e Poshtme, Sadovinë e Çerkezëve, Sadovinë e Jerlive dhe Tërstenik janë bërë me rrjet të ujësjellësit, falë një investimi të përbashkët të Komunës së Vitisë, Zyrës Zvicerane për Bashkëpunim në Kosovë si dhe Qeverisë së Kosovës, në vlerë prej rreth 740 mijë euro.
Prishtinë, 21.10.2016 - Shkolla Fillore ‘Avni Rrustemi’ në Irzniq të Komunës së Deçani nga sot është bërë me ngrohje qendrore falë investimit të Ministrisë së Zhvillimit Ekonomik, në kuadër të projekteve për zbatimin e masave efiçiente në ndërtesa publike. Në inaugurimin e këtij projekti të pranishëm ishin Ministri Blerand Stavileci me bashkëpunëtorë, përfaqësues të pushtetit lokal të Deçanit dhe punonjës të shkollës.
