Prishtinë, 23.03.2017 - Ministri i Zhvillimit Ekonomik Blerand Stavileci ka takuar Elena Petrovska drejtuese e Bankës Evropiane për Zhvillim dhe Rindërtim BERZH, me të cilën ka biseduar për investimet në fushën ekonomike, me theks të veçantë në fushën e energjisë dhe minierave.
Mundësia e zhvillimit të projekteve të përbashkëta, e veçanërisht zhvillimi i rrjetit të ngrohjes qendrore në Komunën e Drenasit, ka bërë që sot Ministri i Zhvillimit Ekonomik, Blerand Stavileci i shoqëruar nga zëvendësi i tij Gani Koci dhe bashkëpunëtorë të tjerë të takohen me kryetarin e kësaj komune, Ramiz Lladrovci.
Prishtinë, 23.03.2017 - Klubit i Afaristëve Frankofonë në Kosovë (KOCAF) do të jetë një mundësi e mirë e promovimit dhe nxitjes së bashkëpunimit ekonomik mes Kosovës dhe shteteve frankofone, u tha në hapje të ceremonisë së lansimit të këtij klubi, ku morën pjesë drejtuesit më të lartë të institucioneve të Republikës së Kosovës, Ambasada e Francës dhe komuniteti i biznesit.
Prishtinë, 23.03.2017 - Ideja dhe nisma për projektin WOW “Gratë në Punë Online”, u frymëzua nga trendet e reja botërore, duke qenë të bindur se ky lloj projekti ofron mundësi të panumërta punësimi për gratë dhe si e tillë është cilësuar ide e guximshme, e cila edhe po tregon sukses, kështu ka deklaruar zëvendësministrja e Zhvillimit Ekonomik Besa Zogaj - Gashi në Konferencën “Standardet në Tregun e Punës”: Të Drejtat e punëtorëve në investimet e huaja direkte që organizohet në kuadër të Javës së Gruas 2017.
Prishtinë, 23.03.2017 - Në kuadër të Forumit Ekonomik Kosovaro-Austriak, Ministri i Zhvillimit Ekonomik Blerand Stavileci i shoqëruar nga një delegacion i Odës Federale Ekonomike të Austrisë, i prirë nga Menaxheri Regjional për Evropën Jug-Lindore, Konstantin Bekos kanë vizituar sot Innovation Centre Kosova (ICK).
Prishtinë, 22.03.2017 - Masat e Efiçiencës së Energjisë, janë si shtyllë kryesore dhe të rëndësishme për sektorin e energjisë që ndikon edhe në tërheqjen e investimeve, por edhe në krijimin e vendeve të punës dhe në këtë aspekt kemi filluar dy projekte për zbatimin e masave të efiçiencës së energjisë në nivel qendror dhe komunal, ka deklaruar Ministri i Zhvillimit Ekonomik Blerand Stavileci, në hapje të Forumit Ekonomik Kosovaro-Austriak me temë ‘Shërbimet Komunale dhe Efiçienca e Energjisë”, që nisi sot në Prishtinë.
Prishtinë, 17.03.2017 - Viti 2017 do të jetë vit i zgjidhjes së problemit të energjisë, ndërsa kryefjala në këtë sektor është Termocentrali “Kosova e Re”, projekt i cili do të na siguron furnizim të rregullt me energji, në mungesë të së cilës vendi humbë 300 milionë euro në vit, ka deklaruar Ministri i Zhvillimit Ekonomik, Blerand Stavileci.
Prishtinë, 17.03.2017 - Prishtina do të ketë furnizim të rregullt me ujë falë fabrikës të re për përpunimit e ujit që u inaugurua sot në Shkabaj, ndërsa përfitues direkt nga ky projekt do të jenë edhe banorët e komunave si Fushë Kosova, Obiliqi, Graqanica, Lipjani, Podujeva dhe disa fshatra të Vushtrrisë. Kapaciteti përpunues i fabrikës do të jetë 700 litra/sekondë, ndërsa vlera e projektit arrin në 35 milionë euro.
Prishtinë, 17.03.2017 - Zv.ministrja Zogaj – Gashi, sot priti në takim disa studentë bursist të Fondacionit KAS ku falënderoi Fondacionin “Konrad Adenauer”, për kontributin e dhënë dhe mbështetjen në zhvillimin e partive politike të Qendrës së Djathtë.
Prishtinë, 17.03.2017 - E ardhmja e Kosovës, por edhe e shteteve të tjera është një treg i integruar i energjisë me veprime konkrete, që shtetet të kenë dy gjëra: sigurinë e furnizimit dhe përballueshmërinë e çmimeve, ka deklaruar, Ministri i Zhvillimit Ekonomik Blerand Stavileci, në tryezën “Diskutimi për Liberalizimin e Tregut të Energjisë” të organizuar nga Zyra e Rregullatorit të Energjisë (ZRRE).
