Prishtinë, 08.11.2017 - Ministri i Zhvillimit Ekonomik, Valdrin Lluka, ka pritur në një takim një delegacion të investitorëve nga Gjermania, kryesuar nga Hans Jurgen Muller, Kryetar i Shoqatës Ekonomike Gjermano-Shqiptare, i shoqëruar nga Ambasadori i Kosovës në Berlin, Skënder Xhakaliu.
Prishtinë, 08.11.2017 - Ministri i Zhvillimit Ekonomik, Valdrin Lluka ka pritur sot Drejtoreshën e Italian Trade Agency (ITA) për Shqipëri dhe Kosovë, Elisa Scelsa me bashkëpunëtorë, agjenci e cila merret me promovim dhe ndërkombëtarizim të kompanive italiane.
Prishtinë, 06.11.2017 - Ministri i Zhvillimit Ekonomik, Valdrin Lluka të hënën mori pjesë në Forumin Ekonomik të Vjenës, i cili po mbahet për herën e 14, ku udhëheqës shtetërorë nga rajoni dhe më gjerë dhe figura të rëndësishme nga fusha e politikes dhe biznesit debatojnë për çështje të rëndësisë globale. Sesioni i sivjetshëm u fokusua në bashkëpunimin rajonal si pjesë e integrimeve evropiane dhe zhvillimin e teknologjisë informative.
Prishtinë, 02.11.2017 - Shumë shpejt do t’i hapim rrugën licencave për energji solare. Hapi tjetër do të jetë zgjerimi i këtyre licencave përmes ankandit në mënyrë që të marrim ofertën më të mirë. Janë rreth 100 milionë euro që do të futen për këto projekte”, kështu ka thënë Ministri i Zhvillimit Ekonomik Valdrin Lluka, në Tryezën organizuar nga Oda Ekonomike Amerikane me temë “Tërheqja e investimeve të huaja direkte”.
Prishtinë, 01.11.2017 - Duhet të fokusohemi tek investimet e huaja në prodhim, ngase ato jo vetëm që ulin papunësinë në mënyrë direkte, por edhe e zvogëlojnë importin dhe rrisin eksportin, ka deklaruar Ministri i Zhvillimit Ekonomik Valdrin Lluka në tryezën “Çështjet që e frenojnë zhvillimin në Kosovë”, të organizuar nga Forum 2015.
Prishtinë, 31.10.2017 - Ministri i Zhvillimit Ekonomik Valdrin Lluka, ka pritur sot në takim Ambasadorin e Shqipërisë në Prishtinë, Qemal Minxhozi, me të cilin ka biseduar për bashkëpunimin e dy vendeve në sektorët që janë përgjegjësi e MZHE-së, me theks të veçantë në energjetikë, përkatësisht themelimin e tregut të përbashkët energjetik, për çka janë duke i përgatitur dokumentet e nevojshme, të cilat pritet të finalizohen në takimin e përbashkët ndërmjet Qeverisë së Kosovës dhe asaj të Shqipërisë.
Prishtinë, 27.10.2017 - Nën drejtimin e Ministrit të Zhvillimit Ekonomik, Valdrin Lluka, Komisioni Ndërministror për ndërmarrje publike me përbërjen e re ka mbajtur takimin e parë, ku janë shqyrtuar dhe janë marrë një sërë vendimesh që kanë të bëjnë me këto ndërmarrje.
