Prishtinë, 09 korrik 2010 - Ministrja e Energjisë dhe Minierave, Justina Shiroka Pula në kuadër të drekës së organizuar me rastin e vizitës së mikut të Kosovës, ish kryeministrit britanik Tony Blair ka nënshkruar një Memorandum Mirëkuptimi me Odën Ekonomike të Britanisë në Kosovë dhe USAID-in.
Prishtinë, 07 korrik 2010 -Ministria e Energjisë dhe Minierave (MEM) në bashkëpunim me Komisionin e Pavarur për Miniera dhe Minerale (KPMM) ka mbajtur sot tryezën me temë “Avancimi i përfitimeve për Kosovën nga shfrytëzimi i burimeve minerale”, ku diskutimet janë fokusuar në shfrytëzimin racional të resurseve minerare të Kosovës dhe aplikimin e taksave të arsyeshme.
Prishtinë, 05 korrik 2010 - Ministria e Energjisë dhe Minierave e Republikës së Kosovës dhe Ministria e Ekonomisë së Republikës së Maqedonisë kanë nënshkruar sot në Shkup një Memorandum Mirëkuptimi, i cili i hapë rrugë intensifikimit të bashkëpunimit bilateral në sektorin e energjisë në pajtim me politikat dhe strategjitë shtetërore, me synim arritjen e furnizimit më të sigurt të energjisë për dy vendet dhe më gjerë.
Prishtinë, 02 korrik 2010 - Ministria e Energjisë dhe Minierave së bashku me Zyrën Ndërlidhëse të Komisionit Evropian në Prishtinë, kanë prezantuar sot projektin e përbashkët për Auditimin Energjetik.
Prishtinë,01 korrik 2010 - Sot në MEM është mbajtur takimi ndërinstitucional i përfaqësuesve të lartë të Ministrisë së Energjisë dhe Minierave, Ministrisë së Ekonomisë dhe Financave, Ministrisë së Mjedisit dhe Planifikimit Hapësinor, Ministrisë së Punës dhe Mirëqenies Sociale, Ministrisë së Integrimeve Evropiane, Zyrës Ndërlidhëse të KE-së në Kosovë, Bankës Botërore, USAID, KEK sh.a. dhe Sindikatës së KEK sh.a. lidhur me fillimin e përgatitjeve për procesin e Dekomisionimit të TC Kosova A.
Prishtinë, 15 qershor 2010 - Zëvendësministri i Energjisë dhe Minierave, Dr. Techn. Blerim Rexha ka marrë pjesë në Forumin për promovimin e investimeve në hapësirën shqiptare, Shqipëri dhe Kosovë në sektorin e energjisë, që u mbajt në kryeqytetin austriak Vjenë me 14 qershor 2010.
Prishtinë, 3 qershor 2010 - Sot në mjediset e ndërtesës së Qeverisë së Kosovës, Ministria e Energjisë dhe Minierave (MEM), Bashkëpunimi Teknik Gjerman (GTZ), pesë komuna të Kosovës dhe Universiteti i Prishtinës kanë nënshkruar tetë Marrëveshje Bashkëpunimi në kuadër të projektit Zbatimi i masave të efiçiencës së energjisë në institucione publike.
Prishtinë, 28 maj 2010 - Ministrja e Energjisë dhe Minierave, Justina Shiroka- Pula në kuadër të vizitës zyrtare të Slloveni ka nënshkruar sot në Lubjanë një memorandum bashkëpunimi me Ministrinë e Ekonomisë të Sllovenisë qëllimi i së cilit është thellimi i bashkëpunimit mes dy vendeve në fushën e energjisë dhe minierave.
Prishtinë, 27 maj 2010 – Ministria e Energjisë dhe Minierave ka mbajtur takim dy ditor me përfaqësuesin e Sekretariatit e Komunitetit të Energjisë TKE Borko Raiqeviq. Takimi është fokusuar në finalizimin e udhërrëfyesit për efiçiencë të energjisë ( Road Map ), i cili përfshinë direktivat për efiçiencën energjetike gjatë përdorimit final dhe shërbimet energjetike, performancën energjetike të ndërtesave dhe etiketimi në pajisjeve elektrike shtëpiake.
Prishtinë, 19 maj 2010 - Ministria e Energjisë dhe Minierave (MEM) së bashku me GTZ (Bashkëpunimi Teknik Gjerman), në kuadër të Fushatës Kombëtare për Ndriçimin Efiçient, ka organizuar një seminar informativ mbi përfitimet nga masat e efiçiencës së energjisë.
