Prishtinë, 30.01.2013 - Ministri i Zhvillimit Ekonomik Besim Beqaj ka pritur në një takim Anton Kobakov Udhëheqës i Zyrës së Bankës Evropiane për Zhvillim dhe Rindërtim (BERZH) në Prishtinë. Qëllimi i takimit ishte diskutimi dhe gjetja e mundësive për të investuar në kompanitë e ujit si dhe rrugët rurale.

Prishtinë, 28.01.2013 - Ministri i Zhvillimit Ekonomik Besim Beqaj, ka pritur ambasadoren kanadeze jo –rezidente në Zagreb për Kosovën Louise LaRocque e shoqëruar nga Bill McCrimmon Konsulli i Ambasadës. Temë e takimit ishte zhvillimi i diplomacisë ekonomike në mes të dyja vendeve si dhe gjetja e mundësive të bashkëpunimit në sektor të ndryshëm të ekonomisë. Me këtë rast ministri Beqaj ka informuar ambasadoren kanadeze LaRocque për gjendjen ekonomike të Kosovës duke u shprehur se rimëkëmbja ekonomike në vendet e prekura nga kriza ekonomike do të fillojë të ndodhë“.

Prishtinë, 28.01.2013 - Ne jemi falënderues për njohjen nga shteti i Pakistanit vitin e kaluar, një njohje jashtëzakonisht e rëndësishme në kontekstin politik por edhe në atë ekonomik, ka deklaruar ministri i Zhvillimit Ekonomik, Besim Beqaj pas takimit me ministrin e shtetit për punë të jashtme të Pakistanit, Malik Amad Khan, në kuadër të vizitës që ky i fundit po i bën Kosovës.

Prishtinë, 24.01.2013 - Me qëllim të maksimizimit të transaksionit, ruajtjes së interesit shtetëror dhe jo të ngutjes së procesit, i cili mund të sjellë oferta më të ulëta, kemi vendosur që koha për dorëzimin e ofertave për privatizimin e PTK-së të vazhdohet deri më 14 mars 2013, ka deklaruar ministri i Zhvillimit Ekonomik, Besim Beqaj, pas takimit të Komisionit Qeveritar të Privatizimit të PTK-së.

Prishtinë, 22.01.2013 - Ministri i Zhvillimit Ekonomik, Besim Beqaj po merr pjesë në pjesë në Samitin e Tretë Vjetor të Energjisë që mbahet në Bazel të Zvicrës në të cilin temë qendrore do të jetë financimi i ri për një infrastrukturë të qëndrueshme dhe sfidat strategjike.

Prishtinë, 18.01.2013 - Në procesin e përmbylljes së procesit të privatizimit dhe funksionimin e kompanisë KKDFE-së do të mbrohen të gjitha të drejtat e të punësuarve në këtë kompani, u theksua gjatë takimit që ministri i Zhvillimit Ekonomik, Besim Beqaj kishte sot me delegacionin e sindikalistëve në përbërje të së cilit ishin kryetari i Bashkimit të Sindikatave të Kosovës, Haxhi Arifi dhe kryetari i Sindikatës së Pavarur të Distribucionit dhe Furnizimit, Fehmi Pajaziti.

Prishtinë, 16.01.2013 - Ministri i Zhvillimit Ekonomik Besim Beqaj, ka pritur sot në takim njoftues ambasadoren franceze në Kosovë, Maryse Daviet, me të cilën ka diskutuar mbi zhvillimet e fundit në vend me fokus zhvillimin ekonomik.

Prishtinë, 15.01.2013 - Ministri i Zhvillimit Ekonomik, Besim Beqaj ka pritur sot një delegacion të Bankës Evropiane për Rindërtim dhe Zhvillim (BERZH) të kryesuar nga Jean-Marc Peterschmitt, Drejtor Menaxhues për Evropën Qendrore dhe JugLindore.

Konferencija za štampu ministra Besim Beqaj o dvanaestomesečnim aktivnostima Ministarstva ekonomskog razvoja i prioriteti za 2013. godinu

Prishtinë, 19 dhjetor 2012 - Sivjet ka pasur furnizim shumë më kualitativ dhe pa ndërprerje me energji elektrike. Kjo është arritur falë angazhimit maksimal të punëtorëve të KEK-ut, ne i falënderojmë punëtorët të cilët kanë bërë që zhurma e agregateve të harrohet, ka deklaruar ministri i Zhvillimit Ekonomik, Besim Beqaj, me rastin e inaugurimit të Trafostacioni “Prishtina 7”.