Prishtinë, 28 Gusht 2020 - Ministri i Ekonomisë dhe Ambientit, Blerim Kuçi së bashku me ambasadorin e Zvicrës në Kosovë, Thomas Kolly dhe kryetarin e Gjakovës, Ardian Gjini kanë nënshkruar marrëveshje për mbështetje në projektin për Përmirësimin e Performancës së Ngrohtores së re në Gjakovë.

Prishtinë, 26 Gusht 2020 - Me qëllim të përmirësimit të sektorit të energjisë në Kosovë sot në Ministrinë e Ekonomisë dhe Ambientit është nënshkruar marrëveshja në mes të Agjencisë së Kosovës për Efiçiencë të Energjisë dhe Fondit të Kosovës për Efiçiencë të Energjisë, përmes të cilës do të bëhet kalimi i mjeteve nga AKEE te FKEE, mjete këto që do të jenë në zbatim të projekteve të efiçiencës së energjisë.

Prishtinë, 26 Gusht 2020 - Ministri i Ekonomisë dhe Ambientit, Blerim Kuçi ka marrë pjesë në punëtorinë për rimëkëmbjen e Telekomit të Kosovës.

Ministria e Ekonomisë dhe Ambientit (MEA) është në përfundim të pagesave të Pakos Fiskale Emergjente (PFE): Masat, 3 A, 3 B, 7, 8 dhe 14.

Ministria e Ekonomisë dhe Ambientit ka marrë vendim që afati për dorëzimin e aplikacioneve për legalizimin e ndërtimeve pa leje të vazhdohet për 12 muaj, pra deri më 04 shtator 2021 në mënyrë që qytetarëve t’iu mundësohet kohë shtesë për të dorëzuar aplikacionet për legalizim.

Prishtinë, 06 Gusht 2020 - Ministri i Ekonomisë dhe Ambientit, Blerim Kuçi ka mbajtur sot një takim virtual me zëvendësshefin e Zyrës së BE-së në Kosovë, Riccardo Serri, ambasadorin e Austrisë, Christopher Weidinger, ambasadorin e Italisë, Nicola Orlando, shefin e zyrës së Belgjikës, Jean Louis Servais, të ngarkuarën me punë të Luksemburgut, Natacha Gomez dhe përfaqësuesin dipomatik gjerman Axel Ross.

Prishtinë, 06.08.2020 - Ministri i Ekonomisë dhe Ambientit, Blerim Kuçi sot bashkë me U.D. kryeshefin e KRU “Prishtinës”, Sokol Xhafa, kanë nënshkruar Memorandumin e Mirëkuptimit për Projektin e Trajtimit të Ujërave të Zeza në Prishtinë.

Qeveria e Kosovës në mbledhjen e saj të mbajtur të martën më 3 gusht 2020, ka shkarkuar bordet e përkohshme të katër ndërmarrjeve publike: Korporatës Energjetike të Kosovës (KEK), KRU “Prishtina”, Ndërmarrjes Publike Qendrore NPH “Ibër-Lepenc” dhe KRU “Hidroregjioni Jugor”.

Ministri i Ekonomisë dhe Ambientit, z. Blerim Kuçi, sot ka pritur në takim delegacionin e Ambasadës Japoneze në Kosovë, të përbërë nga i ngarkuari me punë në këtë ambasadë, z. Mitsunori Ogasawara.

Ministri i Ekonomisë dhe Ambientit, z. Blerim Kuçi, sot ka pritur në takim ministren e Kulturës, Rinisë dhe Sporteve, znj. Vlora Dumoshi.