Prishtinë, 11.05.2022 – Zëvendësministri i Ekonomisë, Mentor Arifaj së bashku me shefen e kabinetit, Anyla Beqa kanë pritur në takim një delegacion nga Fondi Monetar Ndërkombëtarë (FMN) në përbërje të z. Gabriel Di Bella, shef i Misionit të FMN-së për Kosovë, znj. Stephanie Eble, përfaqësuese rajonale për Ballkanin Perëndimor dhe përgjegjëse për zyrën në Kosovë, Departamenti Evropian si dhe Ekonomistë nga Departamenti Evropian.
Bruksel, 11.05.2022 - Këtë vit Republika e Kosovës përkatësisht Ministria e Ekonomisë së bashku me Këshillin për Bashkëpunim Rajonal (RCC), do të organizojnë Samitin Dixhital të Ballkanit Perëndimor - Prishtina 2022.
Uashington, 10.05.2022 - Të premten më 5 maj, Kryeministri Albin Kurti hapi negociatat zyrtare për Programin Kompakt me MCC-në në Uashington. Ky proces negociator në Uashington po udhëhiqet nga Ministrja e Ekonomisë, Artane Rizvanolli, e cila po drejton një ekip negociator të përbërë me specialistë të fushave të energjisë, ekonomisë dhe drejtësisë. Negociatat për programin e Kompaktit me MCC-në do të zgjasin deri në fund të javës dhe gjatë sesioneve negociatore do të definohen detajet dhe specifikat teknike në lidhje me projektin.
Prishtinë, 04.05.2022 – Sot është mbajtur takimi i Komisionit Ndërministror për Ndërmarrje Publike i udhëhequr nga Ministrja e Ekonomisë së Republikës së Kosovës, Artane Rizvanolli. Në këtë takim pjesëmarrës kanë qenë edhe Ministrja e Industrisë, Ndërmarrësisë dhe Tregtisë, Rozeta Hajdari, Ministri i Mjedisit, Planifikimit Hapësinor dhe Infrastrukturës, Liburn Aliu, Ministri i Zhvillimit Rajonal, Frikrim Damka, si dhe Zv. Ministri i Ekonomisë, Mentor Arifaj.
Prishtinë. 29.04.2022 - Ministrja e Ekonomisë, Artane Rizvanolli është takuar me përfaqësuesit e Komitetit Lindor të Ekonomisë Gjermane të shoqëruar nga Zëvendësambasadori Gjerman, Jan-Axel Voss si dhe Drejtori i Komitetit, Michael Harms, me ç’rast diskutuan rreth potencialit që ofrojnë tregjet e të dyja vendeve për bashkëpunim dhe zhvillim ekonomik.
Prishtinë, 27.04.2022 - Me mbështetjen e Bankës Botërore, Kosova tani ka numrin më të madh në Evropë të abonimeve për internet me shpejtësi të lartë për amvisëri, dhe me depërtim të internetit prej 135 për qind, ia kalon vendeve kryesuese të BE-së. Programi i vendit për sistemin brezgjerë rural, i zbatuar mirë dhe në kohën e duhur, shfrytëzoi kapitalin privat dhe siguroi lidhje jetike digjitale me lokacionet e largëta ku nevoja ishte më e madhe - shkolla, qendra shëndetësore dhe shtëpi.
Prishtinë, 28.04.2022 – Ministrja e Ekonomisë, Artane Rizvanolli e ka pritur në takim ambasadoren e Republikës së Francës në Kosovë, Marie-Christine Butel si dhe përfaqësuesit e Agjencinë Franceze të Zhvillimit (AFD), ku është diskutuar rreth situatës energjetike në Kosovë si dhe nevojat në fushën e energjisë.
Prishtinë, 22.04.2022 - Ministria e Ekonomisë Bazuar në Rrjetin Sizmologjik të Shërbimit Gjeologjik të Kosovës, Qendrës Sizmike Euro-Mediterane, si dhe në analizën numerike të të dhënave të ngjarjes sizmike, njofton se me datë 22.04.2022 në ora 23:07 sipas kohës lokale, Bosna dhe Hercegovina është goditur me një tërmet me MAG. 5.9 sipas shkallës Rihter.
Prishtinë, 22.04.2022 - Me qëllim krijimin e bashkëpunimit në mes të Universitetit të Mitrovicës, “Isa Boletini” konkretisht Fakultetit të Gjeoshkencave dhe Ministrisë së Ekonomisë, Zëvendësdrejtori Ekzekutiv i Shërbimit Gjeologjik të Kosovës (SHGJK), Luan Morina dhe Dekani i Fakultetit të Gjeoshkencave në Universitetin e Mitrovicës “Isa Boletini”, Naser Peci sot kanë nënshkruar marrëveshje bashkëpunimi.
Prishtinë, 22.04.2022 – Është lansuar Raporti Multidimensional i Rishikuar i OECD-së për vendet e Ballkanit Perëndimor, në cilën ngjarje ka marr pjesë zëvendësministri i Ekonomisë, Mentor Arifaj, poashtu i pranishëm ishte Federico Bonaglia, zv. drejtor i Qendrës së Zhvillimit të OECD-së, Jan Rieländer, Shef i Diagnostifikimit dhe Strategjisë së vendit nga Qendra e Zhvillimit të OECD-së, si dhe Karin Hernmarck Ahliny, ambasadore e Suedisë në Kosovë.
