Prishtinë, 1 qershor 2011 - Qeveria e Republikës së Kosovës ka nënshkruar marrëveshje bashkëpunimi me Konfederatës Zvicerane, e cila ka për qëllim dhënien e asistencës financiare për projektin e furnizimit me ujë në Kosovën Juglindore me vlerë prej 8 milionë 400 mijë franga zvicerane.

Prishtinë, 26 maj 2011 - Marrëdhëniet ekonomike mes Kosovës dhe Shqipërisë si edhe ato politike janë në nivel të avancuar, ndërsa nuk ka kurrfarë diskriminimi fiskal të Kosovës nga ana e Shqipërisë ka theksuar Ministri i Zhvillimit Ekonomik, Besim Beqaj pas takimit me ambasadorin e Shqipërisë në Prishtinë, Islam Lauka. Ndërkaq, diplomati shqiptar ka mohuar se Tirana aplikon taksa diskriminuese ndaj produkteve të Kosovës.

Prishtinë, 19 Maj 2011 - Procesi i privatizimit të Postës dhe Telekomit të Kosovës (PTK) është proces i hapur dhe transparent sipas standardeve më të larta ndërkombëtare. Ky proces udhëhiqet nga Komiteti i Privatizimit sipas vendimit të Kuvendit të Kosovës, prandaj është plotësisht legjitim dhe siguron ruajtjen maksimale të interesave të qytetarëve të Kosovës ne radhe të parë dhe pastaj edhe të punonjësve të PTK.

Zagreb/ Prishtinë, 14 Maj 2011 - Ministri i Zhvillimit Ekonomik të Kosovës, Besim Beqaj u takua sot me presidentin e Kroacisë, Ivo Josipoviq dhe bisedoi lidhur me zhvillimin dhe thellimin e metejm të marrëdhënieve ndërshtetërore në mes të dy shteteve, me theks të veçantë për bashkëpunimin në lëmin e ekonomisë.

Zagreb/Prishtinë, 13 maj 2011 - Ministri i Zhvillimit Ekonomik Besim Beqaj dhe homologu i tij nga Kroacia, Ministri i Ekonomisë, Punës dhe Ndërmarrësisë, Gjuro Popijaq nënshkruan sot në Zagreb një Memorandum Mirëkuptimi për bashkëpunim ekonomik në mes të dy vendeve.