Prishtinë, 16 shkurt 2012 - Qeveria e Republikës së Kosovës përmes Ministrisë së Zhvillimit Ekonomik gjatë këtij viti do të subvencionojë Ndërmarrjen “Termokos” me 3 milionë euro.

Prishtinë, 14.02. 2012 - Raporti i panelit të ekspertëve të pavarur përkrahë Projektin TC “Kosova e Re” me komponentët e saj, duke rekomanduar që Qeveria e Kosovës të shkojë përpara me projektin e propozuar sa më shpejt të jetë e mundur me qëllim të përmirësimit të sigurisë së energjisë elektrike dhe ndotjes së mjedisit, ka deklaruar ministri i Zhvillimit Ekonomik, Besim Beqaj.

Prishtinë, 06 shkurt 2012 - Ministri i Zhvillimit Ekonomik, Besim Beqaj ka vlerësuar përkushtimin e punëtorëve të Korporatës Energjetike të Kosovës (KEK), të cilët në këto kushte të motit të keq po bëjnë maksimumin e mundshëm për t’i siguruar vendit furnizim sa më stabil me energji elektrike, ndërsa qytetarëve u ka bërë thirrje për kursim të energjisë.

Prishtinë, 01 shkurt 2012 - Paneli i pavarur i ekspertëve, i caktuar për të shqyrtuar projektin e propozuar të gjenerimit të energjisë elektrike në Kosovë ka ardhur në përfundim se projekti është në përputhje me të gjitha gjashtë kriteret e Bankës Botërore, të cilat merren parasysh me rastin e konsiderimit të mundësisë së përkrahjes për projektet e termocentraleve me linjit. Këto gjetje sot i janë dorëzuar Qeverisë së Kosovës dhe Bankës Botërore.

Prishtinë, 31 janar 2012 - Komiteti Qeveritar për Privatizimin (KQP) e KEDS, në mbledhjen e mbajtur sot, në prani të monitorëve lokalë dhe ndërkombëtarë, ka aprovuar pakon finale tenderuese dhe skemën e transferit me të cilën tashmë janë pajtuar edhe investitorët parakualifikuar (Elsewedy, Calik, Limak dhe Taib Bank) në procesin e privatizimit të Distribucionit dhe Furnizimit të KEK (KEDS).

Prishtinë, 31 janar 2012 - Iniciativa e Ministrisë së Zhvillimit Ekonomik dhe e PTK-së për nderimin e heronjve të lirisë me emetimin e një pulle postare, është vetëm një detyrë e vogël e institucioneve të Kosovës për veprën e madhe të këtyre dëshmorëve, ka deklaruar ministri i Zhvillimit Ekonomik, Besim Beqaj.

Prishtinë, 24 janar 2012 - Komisioni Qeveritar i Privatizimit të PTK-së informon se është kryer procesi i para kualifikimit në tenderin për Këshilltar të Transaksionit për procesin e privatizimit të PTK-së.

Prishtinë, 24 janar 2012 - Zëvendësministri i Zhvillimit Ekonomik, Gani Koci, ka pritur në një takim Zhelko Knezhiqek ministër i Energjisë, Industrisë dhe Minierave të Kantonit të Tuzllës i shoqëruar më një grup biznesmenësh nga ky Kanton. Takimi ka pasur fokus gjetjen e mundësive të bashkëpunimit në fushën e energjisë në veçanti atë minerare meqë Kantoni i Tuzllës njihet për rezervat e thëngjillit prej 56% në Bosnje e Hercegovinë.

Prishtinë, 23 janar 2012 - Qeveria e Kosovës ka një vizion për zhvillimin ekonomik të Kosovës dhe një plan të veprimit, andaj synimet tona për vitin 2012 do të shkojnë në realizimin e këtij plani dhe vizioni ekonomik ku sektori privat, hapja e vendeve të reja të punës, qëndrueshmëria ekonomike, eliminimi i barrierave në të gjitha fushat dhe rregullimi ligjor do të jenë synim i vazhdueshëm për të pasur një ambient sa më të përshtatshëm për biznes, ka deklaruar ministri i Zhvillimit Ekonomik, Besim Beqaj.

Prishtinë, 19 janar 2012 - Ministri i Zhvillimit Ekonomik, Besim Beqaj në kuadër të pjesëmarrjes në Samitin e Energjisë Botërore në Abu Dhabi, është takuar me ministrin e Energjisë së Emirateve të Bashkuara Arabe, Mohamed Bin Dhaen Al Hamli, me të cilin ka diskutuar për bashkëpunimin ekonomik në mes të dy vendeve.