Prishtinë, 05.04. 2012 - Qeveria e Republikës së Kosovës është e përkushtuar për realizimin e reformave në fushën e ekonomisë me qëllim garantimin e qëndrueshmërisë se zhvillimit ekonomik. Në këtë kontekst, Qeveria është e angazhuar në avancimin e reformave strukturore të ekonomisë së Kosovës, si dhe krijimin e një modeli tregu të standardeve Evropiane dhe të gatshëm që të përballojë konkurrueshmërinë e tregut të BE-së, ku ne synojmë të bëhemi pjesë në të ardhmen.

Prishtinë, 03.04. 2012 - Për herë të parë Banka Botërore ka filluar të hartojë Strategjinë për Partneritet me Kosovën që tregon që grupi i BB-së po e trajton Republikën e Kosovën si shtet duke qenë anëtare me të drejta të barabarta në këtë organizëm, ka deklaruar ministri i Zhvillimit Ekonomik, Besim Beqaj gjatë një konference për media me Zv.presidentin e BB-së për Evropë dhe Azinë Qendrore, Philippe Le Houerou.

Prishtinë, 30.03. 2012 - Komiteti i biznesit i ka dhënë mbështetje projekteve energjetike në vend, me theks të veçantë projekteve që sigurojnë furnizim të qëndrueshëm me energji, avancojnë shfrytëzimin e burimeve të ripërtrishme të energjisë dhe rrisin efiçiencën.

Prishtinë, 27.03. 2012 - Komiteti Qeveritar për Privatizimin e KEDS (KQP), në mbledhjen e mbajtur të martën, ka aprovuar shtyrjen e afatit për dorëzimin e ofertave deri me 20 prill të këtij viti. Ky vendim vjen me kërkesën e kompanive të parakualifikuara (Limak, Calik, Elsewedy dhe TAIB) të cilat kanë kërkuar nga KQP kohë shtesë për t’i përgatitur ofertat e tyre, për privatizimin e Distribucionit dhe Furnizimit me Energji Elektrike të KEK.

Bruksel, 22.03. 2012 - Komisionari për Energji i Komisionit Evropian Gunther Oettinger ka mirëpritur angazhimin dhe pjesëmarrjen e Kosovës në projektet e infrastrukturës për energji elektrike dhe gaz dhe ka theksuar përkrahjen e Komisionit Evropian në këto projekte.

Prishtinë, 21.03. 2012 - Zv/ministri i Zhvillimit Ekonomik, Gani Koci ka pritur në takim, Bruno Feligini përfaqësues i Kompanisë Tempo Gest, kompani e cila ofron konsulencë për ndërmarrjet e vogla dhe të mesme në regjionin e Marche-s në Itali.

Prishtinë, 21.03. 2012 - Ministri i Zhvillimit Ekonomik, Besim Beqaj udhëton sot për në Bruksel ku nesër do të takohet me Komisionarin për Energji, Gunther Oettinger dhe zyrtar të tjerë të lartë të Komisionit Evropian.

Prishtinë, 19.03. 2012 - Zv/ministri i Zhvillimit Ekonomik, Ramadan Hasani ka vizituar fabrikën për prodhimin e stufave “Emaliku” në zonën industriale Prishtinë- Fushë Kosovë, e cila ka pësuar dëme si pasojë e reshjeve të mëdha të borës, me ç’rast i ishte demoluar rreth 80% e objektit të fabrikës dhe një pjesë e depos së shitjes.

Prishtinë, 16.03. 2012 - Ministri i Zhvillimit Ekonomik, Besim Beqaj, është takuar me përfaqësuesit e Bankës Botërore të kryesuar nga Jane Armitage, Drejtoreshë për Evropën Juglindore dhe drejtori i Zyrës së BB-së për Kosovë, Jan-Peter Olters.

Prishtinë, 06.03. 2012 - Ministri i Zhvillimit Ekonomik, Besim Beqaj ka udhëtuar për Strasburg të Francës ku do të marrë pjesë dhe flas në takimin e Pestë Ndërparlamentar të Delegacionit për Marrëdhënie me Shqipërinë, Bosnje e Hercegovinën, Serbinë, Malin e Zi dhe Kosovën në të cilin marrin pjesë përfaqësuesit e Parlamentit Evropian dhe Kuvendit të Republikës së Kosovës.