Prishtinë, 09.02.2013 - Ministria e Zhvillimit Ekonomik pas konsultimeve në nivel Qeveritar ka marrë vendim që të kërkojë nga KEK-u që deri më 16 shkurt të bëjë një rivlerësim të detajuar të gjendjes së krijuar deri më tani dhe të sjellë të gjithë dokumentacionin relevant për mënyrën e faturimit, mënyrën e leximit të njehsorëve dhe efektet e ndërrimit të njehsorëve, ka deklaruar ministri Besim Beqaj.

Prishtinë, 06.02.2013 - Ministri i Zhvillimit Ekonomik, Besim Beqaj në kuadër të vizitës në SHBA, do të marrë pjesë në organizimin vjetor “Lutjet kombëtare të mëngjesit”, në Uashington DC, ndërsa ka zhvilluar takime të veçanta me zyrtarë të Departamentit të Shtetit, USAID-it, dhe organizatave tjera.

Prishtinë, 06.02.2013 - Zëvendësministri i Zhvillimit Ekonomik Ramadan Hasani ka pritur në një takim një delegacion të Komunës së Bujanocit të kryesuar nga ndihmësi i kryetarit të Komunës së Bujanocit, Nexhat Behluli.

Prishtinë, 05.02.2013 - Zëvendësministri i Zhvillimit Ekonomik, Gani Koci ka pritur në takim kryetarin e kompanisë japoneze “California Hills” Charlie Taka, e cila është pjesë e “Global Investment Group” , me të cilin ka diskutuar mundësitë e investimeve në Kosovë, në fushën e patundshmërive dhe ndërtimtarisë.