Prishtinë, 27.03.2014 - Ministri i Zhvillimit Ekonomik, Fadil Ismajli ka siguruar qytetarët e Prishtinës se nuk ka vend për panik se kryeqyteti do të mbetet pa ujë pasi momentalisht po furnizohet nga Ujmani, ndërsa po ruhet niveli i ujit në Liqenin e Badovcit.

Prishtinë, 26.03.2014 - Ministri i Zhvillimit Ekonomik, Fadil Ismajli ka zhvilluar sot një takim me përfaqësuesit e Ambasadës Gjermane në Prishtinë, KfW-së dhe GIZ, me të cilët ka biseduar për situatën e përgjithshme ekonomike dhe hapat që ka ndërmarrë Qeveria për zhvillim të qëndrueshëm ekonomik.

Prishtinë, 24.03.2014 - Ministri i Zhvillimit Ekonomik, Fadil Ismajli ka pritur sot përfaqësueset nga Akademia për e-Qeverisje e Estonisë, Liia Hanni dhe Nele Leosk, të cilat po asistojnë në krijimin e platformës elektronike – “Sot Vendosi Unë”, që ka për qëllim pjesëmarrjen e qytetarëve në proceset vendimmarrëse.

Prishtinë, 20.03.2014 - Ministri i Zhvillimit Ekonomik, Fadil Ismajli ka vizituar Komunën e Gjilanit me ç’rast ka zhvilluar një takim me kryetarin Lutfi Haziri, me të cilin ka diskutuar gjendjen nëpër të cilën po kalon kjo komunë sa i përket furnizimit me ujë si dhe bashkërendimin e aktiviteteve në funksion të përmirësimit të shërbimeve për qytetarët.

Prishtinë, 19.03.2013 - Kryeministri i vendit Hashim Thaçi, i shoqëruar nga Ministri i Zhvillimit Ekonomik Fadil Ismajli dhe Ministri i Financave Besim Beqaj kanë vizituar Korporatën Energjetike të Kosovës me ç’rast janë njohur për së afërmi me punën dhe të arriturat në këtë korporatë.

Prishtinë,18.03.2014 - Ministri i Zhvillimit Ekonomik Fadil Ismajli ka pritur sot një delegacion francez në përbërje të së cilit ishin Julien Roche - President i Odës së Tregtisë dhe Industrisë Francë-Shqipëri, Claude Scheuer, këshilltar në kompaninë franceze Degremont, të cilët shoqëroheshin nga Ambasadorja e Francës në Kosovë, Maryse Daviet.

Prishtinë, 14.03.2014 - Ministri i Zhvillimit Ekonomik Fadil Ismajli ka pritur sot shefen e Misionit të USAID-it në Kosovë, Maureen Shauket me të cilën ka biseduar për situatën ekonomike në vend, me theks të veçantë projektet që janë në implementim e sipër në fushat që mbulon MZHE.

Mitrovicë, 12.03.2014 - Kryeministri i Republikës së Kosovës, Hashim Thaçi i shoqëruar nga ministri i Zhvillimit Ekonomik, Fadil Ismajli dhe drejtori i “Trepçës”, Ahmet Tmava ka vizituar sot Minierën “Trepça” në Stantërg të Mitrovicës, me ç’rast kanë qëndruar në horizontin e 10 të saj. Kryeministri tha se është pranë minatorëve së bashku me të gjithë, për t’i dhënë mbështetje të plotë punës, në veçanti tash pas kalimit në Qeverinë e Kosovës të Projektligjit ndërmarrja “Trepça” shndërrohet në ndërmarrje publike, pronë e shtetit të Kosovës.

Prishtinë, 11.03.2014 - Punëtoria “Politikat e Energjisë dhe Strategjitë” është një mundësi e mirë që të diskutohen çështjet si Efiçienca e energjisë, implementimi adekuat i masave për arritjen e caqeve në këtë lëmi, mundësitë e shfrytëzimit optimal të burimeve të ripërtëritshme të energjisë varësisht nga vendi dhe potencialet ekonomike apo kapaciteti që ka, ka deklaruar Ministri i Zhvillimit Ekonomik, Fadil Ismajli.

Prishtinë, 10.03.2014 - Ministri i Zhvillimit Ekonomik Fadil Ismajli ka pritur sot përfaqësues të Asociacionit Ekonomik Këshillues me seli në Britaninë e Madhe, vizita e të cilëve është zhvilluar në kuadër të analizave për gazin për Evropën Juglindore gjithashtu edhe rajonin.