Mitrovicë, 30.10.2024 – Ministria e Ekonomisë (ME) dhe Fondi i Kosovës për Efiçeincë të Energjisë (FKEE) kanë investuar mbi 2.5 milionë euro në renovimin e 9 ndërtesave publike në Komunën e Mitrovicës.

Investimet e kryera nga ME janë përmes granteve dhe investimet e kryera nga FKEE janë përmes skemës kthyese për financimin e projekteve komunale.

Investimet janë kryer në renovimin e katër shkollave, Çerdhes “Gëzimi ynë”, dy ndërtesave të qendrave të mjekësisë familjare, Qendrës së Kulturës dhe Administratës së Pensionerëve.

Investimet e realizuara janë:

• Termoizolimi i mbështjellësit;
•   Termoizolimi i fasadës;
  • Termoizolimi i kulmit;
  • Ndërrimin e dyerve dhe dritareve;
  • Renovimin e ndriçimit;
  • Automatizimin e sistemit të ngrohjes;
  • Renovimi i rrjetit të ngrohjes;
  • Instalimi i kaldajave me biomasë;
• Renovimi i ngrohjes qendrore.

Këto investime janë një shembull i përkushtimit tonë për një Kosovë të qëndrueshme.

Falënderojmë të gjitha institucionet qendrore e lokale për angazhimin, bashkëpunimin, e vetëdijesimin gjithnjë më të lartë për efiçencën e energjisë.

Përkrahur nga Qeveria e Republikës së Kosovës, Bashkimi Evropian dhe Banka Botërore.