Prishtinë, 25 Gusht 2010 – Sot në Ministrinë e Energjisë dhe Minierave janë pranuar shprehjet e interesit nga investitorët për ndërtimin me koncesion të Hidrocentralit të Zhurit.

Interesin për projektin e HC të Zhurit e kanë shprehur dy kompani dhe një konsorsium.

Kompanitë e paraqitura janë:

1. Kompania: KI – Kelag International GmbH (Austri)
2. Konsorsiumi: Palet Inşaat (Turqi) & Union D Energy System Development Corporation (Angli)
3. Kompania: Limak Group (Turqi)

MEM mirëpret paraqitjen e investitorët e potencial për Hidrocentralin e  Zhurit dhe shpreh kënaqësinë që  kompanitë e paraqitura janë kompani me renome.
 
Ftesa për shprehjen e Interesit për HC e Zhurit është bërë me 21 qershor 2010, ndërsa afati i fundit për shprehjen e interesit nga investitorët privatë ishte sot me 25 gusht 2010 në ora 11:00.