1. Detyrat dhe përgjegjësitë e Divizionit të Sistemeve të Energjisë janë:

1. Propozon, harton dhe siguron zbatimin e dokumenteve të politikave/strategjive në sektorin e energjisë;
2. Propozon, harton dhe siguron zbatimin e legjislacionit nga sektori i energjisë;
3. Shqyrton dhe komenton propozim-planet zhvillimore afatmesme dhe afatgjata të operatorëve të sistemeve të energjisë para miratimit nga ZRrE;
4. Trajtimi i situatave emergjente të sigurisë së furnizimit me energji me institucionet tjera relevante;
5. Bashkëpunimi në procesin e hartimit të dizajnit të tregut të energjisë elektrike;
6. Bashkërendon aktivitetet për zbatimin e detyrimeve që dalin nga Traktati i Komunitetit të Energjisë.

2. Udhëheqësi i Divizionit të Sistemeve të Energjisë raporton tek Udhëheqësi i Departamentit të  Energjisë.

3. Numri i të punësuarve në Divizionin e Sistemeve të Energjisë është  pesë (5).

1. Detyrat dhe përgjegjësitë e Divizionit të Burimeve të Ripërtëritshme të Energjisë, Efiçiencës dhe Bashkëprodhimit janë:

1. Propozon, harton dhe siguron zbatimin e dokumenteve të politikave/strategjive në sektorin e burimeve të ripërtëritshme, efiçiencës dhe bashkëprodhimit të energjisë;
2. Propozon, harton dhe siguron zbatimin e legjislacionit në sektorin e burimeve të ripërtëritshme, efiçiencës dhe bashkëprodhimit të energjisë;
3. Monitoron dhe harton raporte të rregullta periodike mbi zbatimin e dokumenteve të politikave/strategjive në sektorin e burimeve të ripërtëritshme, efiçiencë dhe bashkëprodhimit të energjisë;
4. Zbatimin e detyrimeve që dalin nga Traktati i Komunitetit të Energjisë;

2. Udhëheqësi i Divizionit të Burimeve të Ripërtëritshme të Energjisë, Efiçiencës dhe Bashkëprodhimit raporton tek Udhëheqësi i Departamentit të Energjisë.

3. Numri i të punësuarve në Divizionin e Burimeve të Ripërtëritshme të Energjisë, Efiçiencës dhe Bashkëprodhimit është katër (4).

Detyrat dhe përgjegjësitë e Divizionit të  Politikave të Energjisë janë:

1. Udhëheqë procesin hartimit të dokumenteve të politikave/strategjive në sektorin e energjisë dhe mbështet procesin e zbatimit te tyre;
2. Propozon, harton dhe siguron zbatimin e legjislacionit nga sektori i energjisë;
3. Përgatit dokumentet e balancave të parashikuara afatgjata dhe vjetore të energjisë, si dhe harton raporte të rregullta periodike;
4. Grumbullimi dhe përpunimi i të dhënave statistikore energjetike;
5. Ofron rekomandime për miratimin e balancave elektro-energjetike;
6. Zbatimin i detyrimeve që dalin nga Traktati i Komunitetit të Energjisë.

2. Udhëheqësi i Divizionit të Politikave të Energjisë raporton tek Udhëheqësi i Departamentit të  Energjisë.

3. Numri i të punësuarve në Divizionin e  Politikave të Energjisë është katër  (4).

Detyrat dhe përgjegjësitë e Divizionit të Standardeve dhe Rregullave Teknike janë:

1. Propozon, harton dhe mbështet zbatimin e dokumenteve të politikave/strategjive në sektorin e energjisë;
2. Propozon, harton dhe siguron zbatimin e legjislacionit nga sektori i energjisë;
3. Identifikimi i standardeve teknike të sektorit të energjisë, të aprovuara nga organizatat ndërkombëtare, evropiane dhe kombëtare për sektorin e energjisë dhe monitorimi i aplikimit të tyre në rregulla teknike në sektorin e energjisë;
4. Inicimi i procesit të adoptimit të standardeve teknike të sektorit të energjisë;
5. Zbatimin i detyrimeve që dalin nga Traktati i Komunitetit të Energjisë.
6. Përcjellja dhe pjesëmarrja në zhvillimin dhe përgatitjen e rregullave teknike, kodeve teknike dhe akteve tjera teknike në kuadër të sektorit të energjisë.

2. Udhëheqësi i Divizionit të Standardeve dhe Rregullave Teknike raporton tek Udhëheqësi i Departamentit të  Energjisë.

3. Numri i të punësuarve në Divizionin e Standardeve dhe Rregullave Teknike është tre (3).